Asociación Veciñal Agra do Orzán

SUBVENCIÓNS ACTIVAS

2011-10-20T11:37:00.005+02:00

SUBVENCIÓNS
DOG Nº 12 con data 19 Xaneiro do 2011- VIOLENCIA DE XENERO (finaliza 31 outubro)

DOG Nº 49 con data 11 Marzo do 2011- PROTECCION INTEGRAL (finaliza 30 Novembro)

DOG Nº 49 con data 11 Marzo do 2011- DANOS DE VIOLENCIA, FONDO GALEGO (finaliza 31 Outubro)

DOG Nº 45 con data 7 Marzo do 2011- EMERXENCIA SOCIAL

DOG Nº 171 con data 7 Setembro do 2011 –EXCLUSIÓN SOCIA

DOG Nº 179 con data 19 Setembro do 2011- EMPREGADOS E DESEMPREGADOS (finaliza 20 Outubro)

Axudas para nacementos (algúns permanentes outros non)

BOE Nº 285 data 29 Novembro 2006

BOE Nº 275 data 16 Novembro 2007

ACTIVIDADES

2011-10-19T14:21:00.003+02:00

ACTIVIDADES DA ASOCIACIÓN 2011/2012

ACTIVIDADES	INICIO	DIAS	HORARIOS
ENCAIXE DE BOLILLOS	Activo*	Luns e Mércores	16:00 a 18:30
GUITARRA	Activo*	Luns	20:00 a 21:30
GAITA E TAMBORIL	Activo*	Martes	19:00 a 20:00
PANDEIRETA	Activo*	Martes	20:00 a 21:30
PANDEIRETA ADULTOS	Activo*	Venres	20:00 a 20:30
INFORMÁTICA	Activo*	Mércores	20:30 a 21:30
PINTURA	Activo*	Martes	17:00 a 19:00
PINTURA PARA NENOS	Activo*	Sábados (mañás)	11:00 a 13:00
CANTO	Activo*	Venres	20:30 a 21:30

NOTA: Poderanse incorporar máis persoas ás actividades sinaladas ata cumprir o cupo máximo de alumnos.

RUTAS DE SENDEIRISMO (Setembro 2011 a Maio 2012)

SAIDA	DATA	DESTINO
SETEMBRO	24-25	CAÑADA REAL (SOMIEDO)
OUTUBRO	30	CIRCULO DONALBAI (TERRA CHÁ)
NOVEMBRO	27	COSTA DE MUROS-CARNOTA
XANEIRO	29	CONVENTO DE PENAMAIOR
MARZO	25	CAMIÑOS XUDEOS (RIBADAVIA)
ABRIL	29	PASEANDO POLA RAIA (CELANOVA)
MAIO	27	RUTAS POR BABIA

NOTA: Realízanse os fins de semana, o último domingo de cada mes.

Os interesados pódense poñer en contacto con Samuel no teléfono: 639 33 52 48 ou ben a través de E-mail: aminhavaca@gmail.com

SERVIZO DE BIBLIOTECA

A partires do mes de Novembro, tamén poremos a disposición dos nosos socios o servizo de préstamo

de libros.

Nova Xunta Directiva

2011-03-11T20:58:00.002+01:00

O 24 de Febreiro de 2011 tivo lugar a Asamblea Xeral anual da Asociación na cal, e con arranxo aos seus Estatutos, elixiu nova Xunta Directiva polo período de dous anos, sendo as persoas electas e responsabilidades as seguintes:

PRESIDENTE:

Carlos Suarez Martinez

VICEPRESIDENTE:

Maria Luz Martinez Pedreira

SECRETERIA:

Carmela Garrido Ordoño

TESOUREIRO:

Xosé Manuel Liñares Suárez

VICESECRETARIO:

Xesus Ricardo Bujan Vilela

VOGAL 1º:

Xosé Manuel Sanchez Rei

VOGAL 2º:

Mercedes Raposo Buján

VOGAL 3º:

José Manuel Cambó Arias

VOGAL 4º:

Ricardo Seixo Fernández

VOGAL 5º:

Maria José Graña Beceiro

VOGAL 6º:

Luis Barreiro Amil

VOGAL 7º:

Miguel García Fernández

VOGAL 8º:

Nuria Cotelo Tajes

VOGAL 9º:

Manuel Miragaia Doldán

VOGAL 10º:

María Junquera Castreje Castreje

VOGAL 11º:

Carlos Alfonso Seixo Fernández

VOGAL 12º:

Carmen Tajes Sánchez

VOGAL 13º:

Maria Xosé Freixo Mariño

VOGAL 14º:

María Luisa Fernandez Rodríguez

VOGAL 15º:

Samuel Rodríguez López

VOGAL 16º:

Francisco Graña Iglesias

Agradecementos

2011-02-27T02:44:00.000+01:00

Como case todos os veciños xa saberedes Francisco Graña deixa a presidencia desta asociación. Desde este blog e todos os membros que formamos esta asociación queremos agradecerlle todo o apoio prestado, sacrificio e paixón posta nunha causa que non é outra que a mellora do noso barrio e as peticións veciñais, e dicirche tamén que como acode sempre demostraches unha calidade suprema.

Con todo o noso agarimo queremos desexarche sempre o mellor .

TÁBOA REIVINDICATIVA 2011

2011-02-17T19:57:00.003+01:00

Como todos os anos, a A.V. da Agra do Orzán actualiza a súa táboa reivindicativa.

Volvemos colgar as nosas reivindicacións que agardamos sexan cumpridas ao longo deste ano. Por certo, ano electoral.

Un saúdo a todas e todos os blogueiros.

.COMUNICADO DE PRENSA, ANTE A PROXIMA APERTURA DO CENTRO “AGORA”

2011-02-14T23:05:00.000+01:00

.COMUNICADO DE PRENSA, ANTE A PROXIMA APERTURA DO CENTRO “AGORA”

A Asociación Veciñal AGRA da Agra do Orzán , ven demandando dende fai moitos anos,que o noso barrio dispoña dun Centro Cívico e Social orientado a atención e satisfacción das moitas necesidades sociais e culturais, nel existentes.

A Xunta Directiva da Asociación, diante as declaracións efectuadas na prensa sobre os seus contidos, feitas polo director nomeado para o centro AGORA, D.Manuel Olveira e a Concelleira de Servicios Sociais, Dª Silvia Longueira, acordou por unanimidade, amosar publicamente a súa DECEPCION, polo que consideramos leva camiño de ser un novo GAIAS, desta vez coruñés, excluinte e as costas do noso barrio, máis que un organismo apto para atender as necesidades socioculturais das e dos nosos veciños. Constatamos tamén, que o nomeamento do director do centro está en consonancia coas mellores e rancias tradicións das épocas pasadas, coa ausencia de concurso público e nomeamento a dedo.

Con independencia da crise económica que padecemos, o barrio da Agra do Orzán ten necesidades básicas diversas, agudizadas po la mesma. Dende as máis elementais, ata as socioculturais e deportivas, e sobre todo a de un desenrolo da súa economía e o emprego nesta zona. Para elo, sempre temos demandado un Centro Cívico e Social para o fomento da participación activa da veciñanza (cívico) e para atender as necesidades socioculturais das veciñas e veciños, en especial dos mais desfavorecidos (social) dentro do noso barrio, (muller,infancia,familia,mocidade,minorías étnicas,terceira idade.....).

Hai máis dun ano o Concello de A Coruña recibiu da Unión Europea 11 millóns de euros, co aval da nosa Asociación, para o barrio da Agra do Orzán exclusivamente. Esta axuda ten o obxectivo de rehabilitar espacios urbanos degradados, e non para a construír novas vivendas privadas de luxo, ou anchear beirarrúas para por a ORA. Tamén nin para construír pirámides, coma un GAIAS coruñés. E aínda, moito menos para financiar de novo unha obra que xa foi financiada por duplicado ou triplicado nos anteriores orzamentos municipais,. O novo centro AGORA é unha instalación ao nivel da Coruña, dotada de infraestructuras administrativas para toda a cidade. Non é, pois de recibo, nin ético, usar os fondos da UE para outros fins distintos dos establecidos nas bases. Poren, nos pensamos que o emprego dado a estes fondos, constitúe un engano e unha estafa, tanto para o noso barrio, coma para a UE, polo seus uso fraudulento, co desvío da axuda económica a outros fins no chamado PLAN URBAN-C.

Fálase de manifestacións artísticas e multiculturais coma teatro,música sinfónica, ballet...e outras.que, coma a nosa cultura galega son patrimonio universal da humanidade. Con relación a cultura galega, que como é público e notorio algúns tentan de erradicar, non podemos deixar de pensar si: Será que o nivel de galegofalantes do noso barrio é “excesivo” ? e por iso, necesitamos unha nova re colonización....Non si?. Polo tanto, debemos apoiar estas manifestación culturais e artísticas, comezando polas galegas . Pero en ningún caso, as necesidades culturais e artísticas poden ser usadas para eliminar, e nunca para satisfacer as necesidades básicas do barrio. Acaso as e os nosos rexedores municipais, xa que falamos de pirámides, descoñecen a pirámide de Maslow ?. Aquí na Agra do Orzán sabemos ben de que se trata.

Dende a Asociación Veciñal Agra, demandamos que o futuro Centro Cívico AGORA, tamén sexa un espacio de caracter social e exclusivamente PUBLICO. Arestora, necesidades básicas existentes como a alimentación e roupa, son xeralmente cubertas malamente con diñeiro público, ao través de colectivos privados apadriñados por coñecidos partidos políticos, para a recollida de votos. Intercambian comida por votos. Caridade?.Esta situación resúltanos repugnante e, por iso, esiximos que o novo Centro, en colaboración cos SERVICIOS SOCIAIS PUBLICOS atenda debidamente estas necesidades, erradicando esta noxenta práctica clientelar, máis propia da Idade Media.

Por último, dicir, que a Asociación Veciñal da Agra do Orzán, estará a seguir esixindo, con mais forza, visto o que se aveciña, que o noso barrio da Agra do Orzán, dispoña dun verdadeiro Centro Cívico e Social para o servicio da súa veciñanza.

“XUNTA DIRECTIVA DA ASOCIACION VECIÑAL AGRA”

Presidente: Francisco Graña Iglesias, DI -32353574-A

Voltamos a estar activos

2011-02-11T21:41:00.003+01:00

Dende a asociación de veciños queremos pedir desculpas e sobre todo o creador deste blog xa que por unhas dificultades técnicas non puidemos actualizalo debidamente. A partir deste momento recuperamos a funcionalidade total do blog, e voltamos estar pendentes das peticións veciñais e as reivindicacións por un barrio mellor

"Sykes niega el desmantelamiento de la sede de A Coruña"

2010-06-15T09:14:00.003+02:00

TODO SON MENTIRAS

Sykes nega o desmantelamento da sede da Coruña pero recoñece que necesita axustes

http://www.lavozdegalicia.es/coruna/2010/06/14/00031276536541546190958.htm

Táboa Reivindicativa 2010

2010-04-15T19:51:00.004+02:00

A seguir amósase a Táboa Reivindicativa da Asociación deste ano 2010.

Lembra que se queres achegarnos calquera demanda, suxestión ou mesmo se queres participar con nós para facer un barrio mellor estamos todos os días de luns a venres no noso local de 18h00 a 19h00.

PARTICIPA!!!

NON O ERE

2010-02-24T22:50:00.002+01:00

DESDE ESTA ASOCIADION QUEREMOS APOIAR OS TRABALLADORES DA EMPRESA DE TELEMARKETING SYKES

"Sykes presenta un ERE para 241 traballadores da Coruña e 37 de Lugo

A dirección da multinacional norteamericana de telemarketing Sykes en Galicia presentou onte un Expediente de Regulación de Emprego (ERE) para 241 traballadores do centro que a compañía ten na Coruña e 37 da sede de Lugo por "razóns económicas e organizativas". En total, o número de teleoperadores que pretende despedir a empresa ascende a 278.

A firma comunicou a decisión ao comité de empresa e presentou a documentación na que argumenta os motivos da medida: "a redución drástica e perda das principais campañas que se atenden desde A Coruña"."

NON A AUMENTAR MAIS O PARO, NON O ERE

XUNTA VECIÑAL

2010-02-23T23:07:00.002+01:00

Este xoves no local da Asociación Veciñal da AGRA realizarase unha xuntanza vecinal para tratar O PXON e o PARQUE DA AGRA .
Sera no local veciñal na Rúa Entrepeñas 38 Soto. O Xoves 25 as 20:30 horas.
Esperamos a vosa asistencia.

35.000 para os tres do Eixo

2010-02-17T21:13:00.002+01:00

Hoxe mais que nunca é urxente a vosa solidariedade cos 3 do Eixo.

Suso, Pepe e Simón, membros do movemento veciñal de Santiago, foron multados e condenados a cadea por participar nunha mobilización na súa parroquia en defensa dos intereses colectivos. Acusados de ter atentado contra a a autoridade, foron sometidos a un xuizo moi parcial sen ningunha proba sólida contra eles e atópanse neste monento een prisión condicional. Ademais tiveron que facer fronte a unha multa de 156.000€ para indemnizar ao policía que resultou ferido a continúan a sufragar os seus gastos médicos, malia que este segue a desenvolver a súa vida con normalidade.

As sucesivas peticións de indulto ao goberno español , foron sempre denegadas. Os diversas ministros de xustiza ignoraron as numerosas mostras de apoios socias e políticas , persoais e colectivas, da sociedade compostelá e galega.

Neste momento teñen que facer fronte ao desembolso de 35.000 € en concepto de xuros de mora, que se suman ás importantes cantidadades que xa tiveron que pagar. Esta situación é absolutamente insostible para a súa economía e están abocados a un inminente embargo das súas vivendas e salarios se non satisfacen este pagamento en dez días. É, pois, moi urxente a solidariedade de todos nós para que isto non aconteza.

Pedimos a vosa colaboración para difundir a campaña “35.000 para os 3 do Eixo”, así como as achegadas individuais e colectivas na conta de Caixa Galiza 2091 0348 12 3040012185

Nesta páxina podedes atopar os banners para difundir esta camapaña nas vosas webs e blogs persoais. É imprescindíbel tamén a difusión desta mensaxe entre as vosas amizades via: SMS, correo-e, teléfono, twitter, facebook…

Para calquera aclaración, dúbida ou suxestión podedes contactarnos no enderezo ostresdoeixo@gmail.com

http://ostresdoeixowordpress.com

Agradecemos por anticipado a vosa solidariedade.

PLATAFORMA POLO INDULTO DOS 3 DO EIXO

Alegacións

2010-02-09T22:10:00.002+01:00

Aquí presentamos algunhas das alegacións presentadas no concello polo PXON:

A ASOCIACION VECIÑAL AGRA CIF. G-15142052, da Agra do Orzán, por medio do seu representante o Presidente da mesma Francisco Graña Iglesias. DI-32353574A,

dentro do período legal de presentación de alegacións a o Plan Xeral de Ordenación Municipal de A Coruña, presenta a seguinte:

A L E G A C I O N

-No informe medioambiental, no preámbulo do PXOM da Coruña, faise acertadamente unha valoración tremendamente negativa do estado do medio ambiente coruñés, especialmente no que atinxe a densificación, mobilidade, saneamento, residuos.......

-A planta de Nostian non da abasto, e arestora, mais que unha planta de tratamento de residuos, é unha estación de almacenaxe e transferencia de residuos sen tratar, cara a Sogama en Cerceda. O emisario de Bens. Segue a inundar de refugallos o litoral coruñés.......e que dicir da Ría do Burgo, aínda que miremos para outro lado, e votémoslle a culpa a Culleredo, Oleiros....e outros.

-Mais o colmo dos colmos, para rematar a guinda deste cheirento pastel, o Concello da Coruña decide autorizar as empresas privadas a instalación de 52 antenas para telefonía móbil no entorno urbano coruñés. Pasando de colexios,centros de saúde e...........

-A cidadanía coruñesa pode soportar o estado de deterioro do medio ambiente na Coruña, agardando que pouco a pouco vállase remediando. Mais, non podemos aceptar que o Goberno Municipal da Coruña xogue ca saúde das coruñesas e coruñeses, autorizando unhas instalacións para a contaminación radiolóxica, cuxa gravidade dos seus efectos nocivos, aínda descoñecemos e, xa que logo, rexeitamos rotundamente a autorización municipal destas antenas, responsabilizando ao Concello da Coruña das consecuencias para a saúde pública.

A CONCELLERIA DE MEDIO AMBIENTE

CONCELLO DE A CORUÑA

Alegacións

2010-02-09T22:09:00.000+01:00

Aquí presentamos algunhas das alegacións presentadas no concello polo PXON:

A ASOCIACION VECIÑAL AGRA CIF. G-15142052, da Agra do Orzán, por medio do seu representante o Presidente da mesma Francisco Graña Iglesias. DI-32353574A,

dentro do período legal de presentación de alegacións a o Plan Xeral de Ordenación Municipal de A Coruña, presenta a seguinte:

A L E G A C I O N

Demandamos que no próximo P.X.O..M. se contemple a recuperación do chamado Acueducto de Montaigú, sito no Campo da Burra (Zona do Observatorio).

Os restos deste Acueducto, promovido no seu tempo, polo enxeñeiro coruñés Montaigú, constitúe unha reliquia histórica do patrimonio histórico e cultural da nosa cidade da Coruña, que deseñada por este enxeñeiro, valeu no seu día, para abastecer de auga potable a cidade da Coruña, polos séculos XVII e XVIII, e xa que logo, consideramos que debe formar parte do Patrimonio Histórico Cultural da nosa cidade , ca catalogación correspondente, ca rehabilitación e protección destes restos e a liberación das zonas adxacentes do Campo da Burra,

A CONCELLARIA DE CULTURA

CONCELLO DE A CORUÑA

Alegacións

2010-02-09T22:07:00.001+01:00

Aquí presentamos algunhas das alegacións presentadas no concello polo PXON:

A ASOCIACION VECIÑAL AGRA CIF. G-15142052, da Agra do Orzán, por medio do seu representante o Presidente da mesma Francisco Graña Iglesias. DI-32353574A,

dentro do período legal de presentación de alegacións a o Plan Xeral de Ordenación Municipal de A Coruña, presenta a seguinte:

A L E G A C I O N

-O PXOM que vaise poñer a andar na Coruña, enmárcase na ortodoxia que determina, a indispensable construción de vivendas para poder urbanizar e,xa que logo, no principio axiomático de que sen construción de vivendas non hai plan posible, malia a existencia de mais de 20000 vivendas baleiras na cidade, e a persistente recesión, que supón neste ámbito unha sobredimensionada oferta de vivendas e unha reducida demanda solvente, a pesar da gran necesidade real de vivendas para usar por un amplo sector da poboación coruñesa, especialmente no que atinxe ao sector novo da cidadanía.

-Ante esta situación, propoñemos pola nosa banda, desatendendo ostensiblemente as necesidades especulativas dos promotores urbanísticos, e atendendo con exclusividade as necesidades reais da cidadanía coruñesa mais necesitada, a creación dun Banco Publico Municipal de vivendas, pola banda do Concello da Coruña, que teña nun principio os seguintes obxetivos;

1) –Controlar e facer un inventario real das vivendas desocupadas nesta cidade.

2) –Arrendar ou mercar aos seus propietarios vivendas para constituír un stock de vivendas municipais.

3) –Xestionar este stock de vivendas para usar en traslados por rehabilitacións urbanísticas, ou para ser habitadas en réxime de aluguer ou venda.

4) –Incidir no desenrolo dun mercado de vivendas para fomentar o usufructo e a propiedade a sectores amplos da poboación coruñesa, arestora, fora deste mercado.

5) – Rachar co monopolio da oligarquía promotora e constructora.

A CONCELLERIA DE REHABILITACION URBANISTICA

CONCELLO DE A CORUÑA

Alegacións

2010-02-09T22:03:00.001+01:00

Aquí presentamos algunhas das alegacións presentadas polo PXON:

A ASOCIACION VECIÑAL AGRA CIF. G-15142052, da Agra do Orzán, por medio do seu representante o Presidente da mesma Francisco Graña Iglesias. DI-32353574A,

dentro do período legal de presentación de alegacións a o Plan Xeral de Ordenación Municipal de A Coruña, presenta a seguinte:

A L E G A C I O N

-Se analizamos o Barrio da Agra do Orzán, podemos observar a existencia de amplos espacios interiores en diversas zonas do mesmo, que permiten acometer unha rehabilitación dos mesmos, ca conseguinte valorización e dotación dos equipamentos e servicios dos que hoxe carecen.

-Actuacións desta índole, permitirían desenvolver unha actividade económica de utilidade social en todo los aspectos, desterrando as aberracións urbanísticas que seguen a cometerse neste barrio, malgastando diñeiros públicos en prexuízo do mesmo e en beneficio dos intereses da oligarquía especuladora causante das crises que hoxe padecemos, e do panorama presente, con pisos baleiros, aparcamentos baleiros, edificios sen garaxe e outras moitas carencias causadas polo abandono e nefasta política do Concello coruñés.

-Ante a próxima execución do PXOM, demandamos un estudio do barrio pormenorizado nas diversas zonas, e a disposición dos diñeiros públicos que hoxe se malgastan en estas actuacións, buscando acordos cas Comunidades de veciños e propietarios en beneficio do conxunto, Concello e residentes, e por suposto, no incremento da calidade de vida da totalidade do barrio.

-Por elo, solicitamos a Concellería de Rehabilitación e Vivenda, a urxente acometida dun estudio concreto das posibilidades de promoción económica ligada a rehabilitación do barrio, ante o total abandono, e sobre todo, cortar dun xeito radical cas actuacións urbanísticas lixo, que aínda hoxe continúa padecendo o noso barrio da Agra do Orzán.

A CONCELLERIA DE REHABILITACION E VIVENDA.

CONCELLO DE A CORUÑA

Alegacións

2010-02-09T22:02:00.001+01:00

Aquí presentamos algunhas das alegacións presentadas no concello polo PXON:

A ASOCIACION VECIÑAL AGRA CIF. G-15142052, da Agra do Orzán, por medio do seu representante o Presidente da mesma Francisco Graña Iglesias. DI-32353574A,

dentro do período legal de presentación de alegacións a o Plan Xeral de Ordenación Municipal de A Coruña, presenta a seguinte:

A L E G A C I O N

-Propoñemos que a medio prazo, cando rematen as obras da Terceira Rolda de Circunvalación da Coruña, e ésta estea en disposición de absorver a maioría do tránsito de vehículos privados, que hoxe conxestionan as Roldas de Nelle e de Outeiro, se acometa a transformación destas en sendos Bulevares.

-Esta actuación, sen dúbida, elevaria sobremaneira a calidade de vida do entorno e asemade a súa valorización urbanística, permitindo, a demoliciòn do viaducto da Rolda de Nelle, e o acondicionamento das vías para tránsito interno e o transporte colectivo e público, ca dotación de aparcamento en bateria gratuito para a veciñanza da Agra do Orzán,.

A CONCELLERIA DE URBANISMO

CONCELLO DE A CORUÑA

Alegacións

2010-02-09T21:26:00.001+01:00

Aquí presentamos algunhas das alegacións presentadas no concello polo PXON:

A ASOCIACION VECIÑAL AGRA CIF. G-15142052, da Agra do Orzán, por medio do seu representante o Presidente da mesma Francisco Graña Iglesias. DI-32353574A,

dentro do período legal de presentación de alegacións a o Plan Xeral de Ordenación Municipal de A Coruña, presenta a seguinte:

A L E G A C I O N

Ante a próxima aprobación do PXOM da Coruña, atopámonos con que milleiros de coruñeses e coruñesas non atopan unha vivenda axeitada aos seus ingresos e patrimonio, tanto de compra coma de aluguer, observándose unha volta aos fogares paternos e maternos de moitas parellas de xente nova, por non poder dispor, nestes tempos de crises, dunha vivenda propia ou en aluguer.

Namentres, na Coruña existen mais de VINTE MIL vivendas baleiras , manténdose uns prezos de propiedade e aluguer, moi afastados do poder adquisitivo de moitas veciñas e veciños.

Dende esta Asociación presente neste barrio cun gran porcentaxe de veciñanza desfavorecida e necesitada de vivenda, especialmente no segmento da xente nova, e cunha grande cantidade de pisos baleiros, entendemos co dereito a vivenda contemplado na Constitución debe primar sobre a súa utilización como valor de cambio e especulación e, xa que logo, a propiedade e usos da vivenda deben beneficiar as e os seus usuarios e non aos inversores especulativos.

Demandamos medidas para frear a inversión dirixida as vivendas existentes, para abaratar o prezo e aluguer das mesmas, mediante a promulgación dun Imposto Especial Municipal, variable e revisable, que grave as operacións de compravenda de vivendas que se fagan nun período inferior a cinco anos da súa primeira compra. Este gravame sería independente dos que rexan na actualidade, coma o de transmisións patrimoniais e outros......

A CONCELLERIA DE REHABILITACION E VIVENDA

CONCELLO DE A CORUÑA

Asamblea Informativa

2010-02-04T21:13:00.001+01:00

LUNS DIA 8 AS 20:00 HRS.

ASAMBLEA INFORMATIVA NO CENTRO SOCIAL DOS MARIÑEIROS

TEMA : PLAN XERAL DE ORDENACIÓN MUNICIPAL.

ASISTIRÁ A CONCELLEIRA DE URBANISMO.

XA TEMOS FACEBOOK

2010-01-20T22:14:00.002+01:00

Xa temos Facebook¡¡¡¡ Logo dun tempo dándolle á cabeza decidímonos a crear unha conta en Facebook para chegar moito máis fácil e cunha maior facilidade de información.
Así que todo aquel que teña unha conta creada xa sabe que ten outro recuncho máis.

Felices festas

2009-12-23T13:54:00.003+01:00

Dende a Asociación de Veciños e de toda a súa directiva, desexámosvos a todos os unhas felices festas e un feliz 2010.

TABOA REIVINDICATIVA

2009-12-15T18:29:00.000+01:00

A Xunta Directiva da Asociación Veciñal AGRA, considera que as necesidades e deficiencias mais salientables do barrio da Agra do Orzán, na actualidade son as que se relacionan nesta TABOA REIVINDICATIVA, que se propón ao conxunto das veciñas e veciños, para a defensa dos intereses xerais do barrio e a mellora do seu benestar social.

Acometida da construcción da 3ª Rolda de Circunvalación,que partindo da rotonda de Manuel Murguía, permitirá a reducción da maioría do tránsito da Rolda de Outeiro, tránsito alleo ao barrio da Agra do Orzán .

Mellora da Rolda de Outeiro no seu tramo pendente, na encrucillada coa Avda. De Fisterra, ca construcción dunha rotonda.

Recuperación do Muiño da Gramela, ca súa reubicación centrada no barrio da Agra do Orzán.

Mellora urbanística da Praza das Conchiñas, incrementando a súa peatonalización.

Rematar o arranxo das beirarrùas e mellora da Rùa Entrepeñas.

Arranxo progresivo das rúas do barrio da Agra do Orzán, xa que desde a súa creación, non se repararon.

Recuperación das parcelas colindantes co Observatorio Meteorolóxico para uso colectivo, de acordo ca dirección do Observatorio, mantendo en calquera caso o funcionamento do mesmo, e en colaboración coa A.VV. do Peruleiro-Mariñeiros.

Galescola no barrio.Polo elevado porcentaxe de galegofalantes na Agra do Orzan,para favorecer a integración das nenas e nenos na lingua e cultura do noso pais.

Creación de un Centro Social ,centrado no barrio da Agra do Orzán, axeitado a importancia e dimensión do barrio e as demandas veciñais existentes no mesmo, especialmente dotado para as necesidades das veciñas e veciños mais desfavorecidos.

Defensa das prazas de aparcamento en superficie no barrio e reposición das que desapareceron como consecuencia das obras realizadas no barrio,rechazo da posible implantación da ORA, no barrio da Agra e arredores,creacion de prazas de curto estacionamento para facilitar a mobilidade de nenas , nenos e maiores

Rehabilitación de vivendas, integral ou parcial, no barrio da Agra

(ascensores, garaxes, baixos........)

Recuperación do acueducto de Montaigú, no campo da Burra (Zona Observatorio)

Conversión das Roldas de Outeiro e Nelle en Bulevares, cando funcione a 3ª Rolda de Circunvalación.

NOTA IMPORTANTE: A construcción dos equipamentos e infraestructuras que demandamos, constitúen hoxe, unha necesidade vital para o noso barrio da Agra do Orzán, pero non aceptamos en ningún caso, que o seu establecemento e construcción deban facerse en perxuicio ou perda de calidade dos espacios públicos urbanos ou equipamentos sociais e culturais xa existentes no noso barrio, e que tantas demandas e incluso mobilizacións supoñeron para a veciñanza do barrio, dende a súa creación.

A Coruña, Xaneiro 2010

O Goberno rexeita trasladar o observatorio

2009-12-15T15:39:00.004+01:00

Hoxe aparecía esta noticia en "LA Opinión" e pareceunos interesante publicala no blog.

"El Gobierno rechaza trasladar el observatorio"

El Ayuntamiento aprobó en 2006, durante la última legislatura del PSOE con mayoría absoluta, la urbanización del parque del Agra, lo que implicaba trasladar el observatorio a otro inmueble del barrio y utilizar las dependencias del meteorológico para uso municipal. El Concello siempre defendió que estaban en negociaciones, hasta que el pasado mes de septiembre descartó esta operación bajo el argumento de que prefería buscar otro emplazamiento donde poder instalar todas sus dependencias. Sin embargo, el Gobierno municipal era consciente desde el principio de que el Ministerio de Ambiente no estaba de acuerdo con su propuesta

R. GARCÍA / M. MOSQUERA A CORUÑA El Ayuntamiento de A Coruña acordó en septiembre descartar la ubicación de la Casa de las Mujeres en la actual sede del centro meteorológico bajo el pretexto de que prefiere que todas las dependencias municipales previstas en la zona se encuentren en único edificio. Sin embargo, el Ministerio de Medio Ambiente ha dejado claro que desde hace tres años y medio la Administración municipal era consciente de que la propuesta que le planteó para recolocar las instalaciones del observatorio en otro inmueble del barrio era "prepotente" y nunca la más adecuada.

El Gobierno se ha mostrado descontento con la forma de actuar del Ayuntamiento en la futura urbanización del parque del Agra. Según la documentación a la que ha tenido acceso este periódico a raíz de la tramitación del futuro plan general, el Ministerio de Medio Ambiente tuvo conocimiento a través de la prensa de que la intención del Concello era trasladar las dependencias del meteorológico a otro edificio del Agra -y dejar así libre el inmueble del observatorio para dependencias municipales-. El Gobierno supo del proyecto el 30 de marzo y, cuatro días después, el Ayuntamiento aprobó el anteproyecto para la urbanización del Agra.

La Concejalía de Urbanismo siempre ha asegurado que las negociaciones con el Gobierno van por buen camino, pero el pasado mes de septiembre el Concello acordó reconsiderar su "intención inicial" de añadir el meteorológico a su patrimonio municipal y su posterior rehabilitación para albergar la Casa de las Mujeres. El argumento: "La voluntad de mantener en un único equipamiento de nueva construcción varias actividades relacionadas con la presencia de los servicios municipales en el Agra".

Alegaciones

El Concello era consciente desde hacía tiempo, aunque lo omitió, de las dificultades de alcanzar un acuerdo con el ministerio. Tras conocerse en 2006, de manera "no oficial", las pretensiones municipales, Medio Ambiente envió un técnico a la ciudad para solicitar en María Pita información sobre el proyecto y presentar a continuación alegaciones. Sus conclusiones, de abril de 2006, no pudieron ser más concluyentes: "Resulta prepotente por parte del Ayuntamiento la modificación tramitada, dado que aún siendo los mayores propietarios del polígono afectado, no se nos ha notificado su redacción y trámite, ni su plazo de exposición pública, ni el plazo de alegaciones".

El Concello propuso a la Administración central reubicar el meteorológico en un edificio de nueva construcción que se levantará a escasos metros. El informe del técnico evidencia que la parcela que se ofreció para el inmueble no era "proporcionada ni adecuada" para las actividades meteorológicas, "siendo más propias de la promoción inmobiliaria con fines lucrativos". El edificio en cuestión ocupaba una superficie de 400 metros cuadrados -una planta subterránea para aparcamiento público, un bajo y otras seis alturas con un aprovechamiento máximo de 2.500 metros cuadrados-.

Uno de los inconvenientes que detectó el experto en su visita a la ciudad era que no contarían con "aparcamiento propio, ni almacenes, talleres y cuarto de instalaciones" en el sótano ni en la planta baja. En las alegaciones a la modificación del plan general firmadas por Francisco Cadarso, entonces director general del extinto Instituto Nacional de Meteorología -ahora, Agencia Estatal de Meteorología-, quedó claro que el Gobierno se opuso al proyecto municipal: "Esta dirección general muestra su disconformidad a las actuaciones previstas por ese ayuntamiento que conllevan el traslado del Centro Meteorológico Territorial y la obligan a costear, no sólo los gastos de construcción de un nuevo edificio, sino también a los de traslado de sus dependencias".

El Ministerio de Medio Ambiente, como propietario de los 8.000 metros cuadrados de la parcela del observatorio desde 2001, instó al Ayuntamiento a ofrecer un edificio, pagado con fondos municipales, o una indemnización "como consecuencia de la expropiación urbanística o de cualquier otra actuación" que se llevase a cabo.

La polémica fue una constante desde el principio en el proyecto del parque del Agra. El Ayuntamiento pronto se topó con el malestar de los vecinos, con las críticas de la oposición y todo acabó en los tribunales, tras la denuncia de un particular y la investigación que abrió la Fiscalía.

La asociación vecinal del Agra do Orzán se movilizó y presentó alegaciones. Su lema era menos cemento y más parque. De los 25.000 metros cuadrados de espacios verdes prometidos por el ex alcalde Francisco Vázquez se pasó a los 14.283. Uno de los residentes llegó a acudir a los tribunales y el fiscal especializado en delitos urbanísticos en Galicia abrió una investigación en octubre del año pasado que acabó por remitir al juzgado para continuar el proceso, pues el Ministerio de Medio Ambiente no le facilitó la información que le había solicitado. En las últimas ocasiones en las que el Gobierno habló del proyecto, siempre defendió que no había "nada concreto" con el Concello.

La urbanización del Agra arrancará el próximo año, según las previsiones municipales. El proyecto es una de las piedras en la andadura del pacto de gobierno entre PSOE y Bloque. Los socialistas llegaron a acusar al grupo nacionalista en el barrio de querer "poner dificultades" a los concejales del BNG, que en la oposición se mostraron contrarios a la propuesta del PSOE, que entonces gobernaba con mayoría. Los socialistas incluso lamentaron que la alternativa nacionalista es "no hacer nada".

"El proyecto (del Agra) está en la situación en la que está. Si se puede cambiar, se cambiará; si no se puede cambiar, no se cambiará", afirmó en julio de 2008 el portavoz municipal del Bloque y primer teniente de alcalde, Henrique Tello, para apaciguar los ánimos.

"La Opinión" Martes 15 de decembro 09

O Parlamento nega á federación veciñal a recollida de firmas achega do topónimo

2009-12-11T15:26:00.003+01:00

Queremos destacar unha noticia aparecida en diversos medios escritos, como no "O Ideal Galego" referente á convivencia do "LA" e "A", e desde aquí volver facer fincapé no noso total desacordo coa iniciativa levada a acabo por Luisa Varela. Iniciativa que levou a cabo ela soa sen consultar ao resto de asociacións de veciños ás cales ela representa. Aínda que nos parece que non é así, se non que demostra, ou quere demostrar o seu reinado impositivo e demagogo.

"La Mesa del Parlamento rechazó por segunda vez la iniciativa legislativa popular a favor de la cooficialidad en castellano del topónimo coruñés. Si primero la negativa le llegó a la propuesta presentada por Unión Coruñesa, esta vez es la federación de asociaciones de vecinos la que no podrá llevar a cabo la campaña de recogida de firmas para lograr la convivencia de la “L”.

En este caso, los motivos esgrimidos son idénticos a los dados a la formación que dirige Carlos Marcos. La representante vecinal, Luisa Varela, explicó ayer que en la respuesta de la Cámara gallega se argumenta que “la iniciativa afecta a una ley orgánica, que está prácticamente blindada, por lo que no se aceptarían cambios sobre ella”.

Aprovecha, de esta forma, para cargar con aquellos que prometen modificar la norma: “Si la negativa de la reforma se debe a que afecta al desarrollo del Estatuto de Autonomía, ¿cómo pueden algunos políticos prometer que si ellos llegan al poder, realizarán los cambios necesarios para que el topónimo sea cooficial?”.

Asunto “zanjado” > Aunque la portavoz reconoce que la decisión “ha sentado mal” en el seno de la federación, por el momento no se plantea llevar a cabo ninguna otra acción encaminada a la defensa de la denominación “La Coruña”. “Por ahora damos por zanjado el asunto, aunque eso no quita que, si después de las navidades, la junta directiva decide retomar el tema se haga”, puntualiza Varela. De igual forma, ironiza con que la entidad “no va a enviar postales a ningún sitio”, en alusión a la campaña anunciada por los coruñesistas, con la que intentarán remitir al presidente de la Xunta, Alberto Núñez Feijóo, unas 100.000 postales con los mensajes “Por La Coruña” y “Con L de Libertad”.

Con todo, la líder de los vecinos califica la medida adoptada por el Parlamento de “injusta”, pues, según opina, restringe las posibilidades de los ciudadanos a opinar y, además, a decidir “libremente” acerca de la denominación de la ciudad.

De hecho, cuando el mes pasado la entidad entregó la solicitud para iniciar la recogida de firmas, su presidenta advertía de que la consulta era “urgente”, pues, en contra de lo que sostienen otras asociaciones vecinales, “se trata de un debate que está en la calle”.

Ahora, sus responsables solicitan que “no se utilice la petición de la cooficialidad con fines políticos y electoralistas, tal como se viene haciendo en las últimas fechas por ciertas entidades y personas de esta ciudad”. "

El Ideal Gallego Venres 11 de Decembro 09

Conferencia Hortas na cidade dos barrios, xoves 19:30h

2009-12-01T23:01:00.001+01:00

O colectivo de arquitectos desescribir presentará as conclusions do seu segundo obradoiro, dentro da iniciativa a Cidade dos Barrios, impulsada pola delegación coruñesa do COAG e dirixida polo estudio MMASA.

A continuación o xeógrafo portugués Alvaro Domingues impartirá unha conferencia sobre o encontro entre o rural e o urbano.

Sede da Fundación Caixa Galicia

Rúa Cantón Grande 21-24 A Coruña

Xoves 3 de Decembro ás 19:30h

Día Da Non Violencia Contra As Mulleres

2009-11-23T22:35:00.000+01:00

O Consello Comarcal do BNG convoca para o día 25 de novembro ás 20:30 no Obelisco (cidade da Coruña) unha concentración para conmemorar o Día da Non Violencia contra as mulleres. A vosa asistencia é moi importante polo que cómpre facermos un esforzo de participación.

HORTAS NA CIDADE DOS BARRIOS

2009-11-22T22:50:00.003+01:00

Dentro da iniciativa A Cidade dos Barrios, impulsada pola delegación da Coruña do COAG e dirixida polo estudio mmasa, os integrantes do colectivo desescribir diriximos o 4º dos obradoiros no que traballaremos dentro do sector no que se atopan San Cristovo das Viñas, Feáns e Mesoiro. Nesta zona da Coruña o tecido urbano atópase con preexistencias do mundo rural sen que ata o de agora estas dúas realidades puidesen coexistir axeitadamente. Xurde así a reflexión sobre que características do hábitat rural deben de ser mantidas e potenciadas, e que estratexias se deben de xerar para as aproveitar, valorar e integrar dende unha perspectiva de cidade e vida contemporáneas.

Empregarase o mecanismo do proxecto e creación dunha área de hortas urbanas na zona como ferramenta de traballo para a integración, tanto a nivel físico como social e de uso, entre o urbano e o rural.

Esta actividade permitirá revalorizar uns terreos na actualidade abandonados ou sen uso e promove-la protección ambiental e de conservación de valores ecolóxicos, paisaxísticos e culturais. Búscase tamén promove-la creación e mantemento de espazos libres na cidade así como fomenta-la práctica da agricultura ecolóxica. Buscaranse estratexias participativas para a xestión das hortas das que poderán tomar parte tódolos habitantes da cidade interesados. Posibilitarase o desenvolvemento de tarefas educativas, de transmisión de coñecementos, así como a promoción de prácticas de produción para autoconsumo, de consumo responsable e xeitos de vida e alimentación saudable

Buscamos recuperar antigas hortas e terreos abandonados no Val de Feáns para poñelos de novo en uso, contribuíndo así á súa axeitada conservación e mantemento.

A intención é que os propietarios de terras na actualidade sen uso as cedan ou aluguen a persoas de calquera zona da cidade que estean interesadas en traballalas como hortas e cultivos. Estas pequenas parcelas permitirán o cultivo para autoconsumo así como desenvolver nelas actividades de ocio e educativas.

Queremos explorar así alternativas de futuro para as áreas rurais da cidade A Coruña, para podelas integrar con tódalas súas virtudes dende a perspectiva da cidade e vida contemporáneas

Se estás interesado nesta iniciativa acude á presentación que terá lugar o Xoves 26 de Novembro ás 19:30 horas ou busca máis información en:
www.hortasnacidade.wordpress.com

Comunicado da Xunta Directiva

2009-11-01T22:41:00.000+01:00

Comunicado da Xunta Directiva da Asociación Veciñal da Agra do Orzán

Ante a información de que a presidenta da Federación de Asociacións de Veciños da Coruña pretende realizar unha campaña de recollida de asinaturas entre os cidadáns e cidadáns para establecer a fórmula deturpada de “La Coruña” como denominación da nosa Cidade, cando o topónimo oficial e legal é “A Coruña”, por acordo autonómico e municipal, desexamos realizar as seguintes puntualizacións:

A devandita recollida é, en realidade, o inicio da precampaña municipal do PSOE local para as municipais, da que esta señora é unha lacaia e militante impresentable. Lémbrese que este feito coincide significativamente coa proclamación do Sr. Losada como candidato do PSOE para as municipais.
Denunciamos a utilización partidista desta Federación por esta señora, como fixo tamén antes o seu mestre o inefable Folgueira, sempre ao servizo dos intereses partidistas e persoais do que agora é embaixador en Roma.
Esta señora carece dun comportamento democrático, porque a maioría das asociacións veciñais da Coruña non foron consultadas por ela para este tema do topónimo. A súa actitude, ao contrario, é claramente caciquil.
A Federación de Asociación de Veciños está burlándose da cidadanía coruñesa con esta proposta, fóra de lugar. Os coruñeses e coruñesas xa estamos moi fartos de que se xogue politicamente co topónimo da Cidade. O comportamento desta señora é totalmente impresentable.
O PSOE local e esta lacaia pensan que os coruñeses e coruñesas somos idiotas, e confunden as ideas de catro señores fachas e rancios que viven no centro da Coruña coa grande maioría dos coruñeses e coruñesas, que nos importan outra n s cousas.
O PSOE quere distraer tamén con este tema a aprobación próxima do seu proxecto aberrante, irracional e antipopular Plan Xeral de Urbanismo.
As asociacións de veciños que estamos realmente a prol da defensa dos intereses da maioría dos cidadáns teremos que ir pensando en deixar esta Federación, que o único que fai estar vendida á oligarquía e manipular ao servizo dun partido.

Francisco Graña Iglesias

Presidente da Asociación de Veciños da Agra do Orzán

A gran polémica

2009-10-30T16:05:00.002+01:00

Onte aparecía no xornal La Voz de Galicia esta noticia:

La Federación de Asociaciones de Vecinos de A Coruña y Área Metropolitana iniciará en las próximas semanas una campaña de recogida de firmas para apoyar la cooficialidad de los dos topónimos de la ciudad. La presidenta de la federación, Luisa Varela, confirmó ayer que esta es la postura que siempre mantuvo la entidad vecinal y que ahora es el momento oportuno «para que los políticos oigan a los ciudadanos».

En este sentido, recordó que en su momento el Gobierno de la Xunta impuso legalmente a los coruñeses cómo debían llamar oficialmente a su ciudad y que nunca se dio una oportunidad a los vecinos para que opinasen sobre ese tema. «A nosotros, a los coruñeses, es a quienes nos deberían haber consultado desde el principio. Lo que no nos gusta es que ahora nos utilicen como moneda de cambio y creemos que nos merecemos un respeto por parte de los políticos», aseguró Luisa Varela.

15.000 firmas de apoyo

El objetivo de la federación vecinal es lograr 15.000 firmas de apoyo a la cooficialidad para poder presentarlas en el Parlamento y que, de esta forma, se inicien las gestiones para modificar la Lei de Normalización Lingüística en el punto referido a la ciudad de A Coruña. La junta directiva de la federación vecinal, que se reunió ayer por la tarde, también aprobó que la recogida de firmas impulse el bilingüismo oficial en la ciudad coruñesa. La dirigente vecinal, que asistió el pasado lunes al pleno extraordinario que debatió sobre el topónimo, considera que la sesión se desarrolló «dentro de la normalidad». Sin embargo Luisa Varela calificó como «una gran desfachatez» que se vuelva a «remover» el tema del topónimo y considera que el PP no debería pedir al PSOE que vuelva a pronunciarse sobre la cooficialidad cuando ya lo hizo en el 2004 a través del pleno, «el mismo en el que los populares se abstuvieron».

Dende esta asociación e este blogue parécenos bochornoso o posicionamento da Presidenta da Federación Veciñal. Unha persoa como ela non pode situarse de ningunha das partes. Queremos dicir que o que ela debería de facer é primeiro antes de afirmar o que queren os veciños, que segundo ela é a "L", facer unha enquisa haber que é o que realmente queren , e non pór na fala da xente como afirma ela que se prefire a "L".
Parécenos un ataque directo aos veciños que tamén defenden a posición da "A", e non só iso, se non unha imposición pola súa banda, e directa dela de aplicar a súa doutrina impositiva, e castellanizadora dun topónimo.
Tamén queremos deixar claro que estas palabras son escritas recoñecendo que nós somos membros desta federación, e para que quede suficientemente claro e co maior respecto á entidade, gustaríanos demostrar o noso total desacordo con esa iniciativa considerándoa persoal por parte da presidenta, nunca por parte directa da federación.
Tamén queremos recordar e para que quede suficiente mente claro que a Lei 3/1983, de 15 de xuño, de normalización lingüística di :
Articulo 1

1.O galego é unha lingua propia de Galicia

2. Todos os galegos teñen o deber de coñecelo e o dereito de usalo.

Articulo 10
1. Os topónimos de Galicia terán como única forma oficial a galega.
2. Corresponde á xunta de Galicia a determinación dos nomes oficiais dos municipios, dos territorios, dos núcleos de poboación, das vías de comunicación interurbanas e dos topónimos de Galicia. O nome das vías urbanas será determinado polo concello correspondente.
3. Estas denominacións son as legais para todos os efectos e a rotulación terá que concordar con elas. A xunta de Galicia reglamentará a normalización da rotulación pública respectando en todos os casos as normas internacionais que subscriba o Estado.

Pleno

2009-10-27T22:39:00.000+01:00

Convocouse o Pleno extraordinario para debater a proposta do Grupo municipal do Partido Popular de permitir a cooficialidad do topónimo da nosa cidade tanto en galego como en castelán, para o vindeiro luns 26 de Outubro ás 9.30 h no Salón de Plenos de María Pita

As persoas que desexen asistir como público soamente teñen que vir entre as 9.00 e as 9.15 horas provistos do carné de identidade.

Cartas Veciñais

2009-10-26T22:29:00.005+01:00

Hoxe recibimos esta carta que reflicte o sentimento dun veciño . Coa súa carta acompáñanos unhas fotografías que sacou un familiar seu. Parecíanos moi interesante pola no blog , así que espero que vos guste.

“Tengo 79 años a mi parecer muy bien llevados, uno de mis entretenimientos es pasear por las mañanas por la calle Barcelona, y recoger la prensa gratuita, ya que me cerca de casa y el medico me recomendó que caminase. Debido a las obras tuve que cambiar mi recorrido pero no me importó creyendo que todo iba a ser para mejor. Mi hijos y vecinos decían que la obra era para peor pero yo confiaba en que se equivocasen.
Pues cada día creo que tienen razón, creo que era mucho más bonita antes como estaba que no ahora. Y también mucho más segura. Porque yo con la edad que tengo me voy defendiendo pero muchos de mis compañeros de mañana no. Y cuando la calle está algo mojada se patina mucho. El ayuntamiento no pensó en la gente mayor en este caso porque a nosotros no gustaban la sombra de los árboles en verano, y los bancos para contar nuestros cuentos. Es una pena que gente como yo que hemos trabajado toda la vida ahora seamos simples números para la seguridad social, y aquí nos tengan tan abandonados. Mi hermano vive en monte alto, y va todos los días a jugar una partida y al parchís con las chicas como las llama el, al centro de la tercera edad, y tienen periódicos para leer, y aquí no tenemos nada, y ahora ni bancos para que nos podamos sentar.

Les pido que corrijan esta carta ya que ni educación no fue muy buena. Mi nieto el pequeño me enseño en internet el sito de la asociación y me dijo que escribiera algo por eso me animé a esto. Mi nieto me sacó unas fotografías con su cámara que supongo que también las enviará.
Muchas gracias y me aria una gran ilusión ver esto escrito en eso del internet.

Un Saludo Manuel B.C.”

Queremos Galego

2009-10-14T13:37:00.003+02:00

A plataforma cidadá QUEREMOS GALEGO convoca unha gran manifestación en favor da lingua para o vindeiro domingo 18 de outubro en Santiago de Compostela

O emblemático Café Casino de Santiago de Compostela acolleu na mañá de hoxe o primeiro dos actos públicos da plataforma cívica QUEREMOS GALEGO, nacida no pasado mes de xullo a partir dun proceso de debate e reflexión para articular unha resposta social todo o ampla posíbel fronte ás medidas que o goberno da Xunta está a impulsar contra a nosa cultura.

Na conferencia de imprensa celebrada hoxe, Fran Rei, en representación da comisión xestora de QUEREMOS GALEGO, deu conta do proceso de expansión territorial no que neste momento se encontra a plataforma, coa perspectiva de que nos próximos días conclúan os actos constituíntes, previstos nun total de 19 comarcas que abranguen, segundo explicou, “a práctica totalidade do país”. Será entón cando se coñeza o número de entidades e persoas a título individual que compoñen a plataforma, “se ben os actos que xa se realizaron están a caracterizarse por unha asistencia que mesmo soborda as previsións”, indicou.

A plataforma QUEREMOS GALEGO anunciou a data da gran manifestación en favor da lingua cuxa convocatoria xa adiantara no mes de xullo: será o vindeiro 18 de outubro en Santiago de Compostela e partirá ás 12 da mañá da Alameda. Fran Rei sinalou que é unha convocatoria na que se chama a participar ao conxunto da sociedade galega, “a esa inmensa maioría de galegas e galegos que queren o seu idioma, que o consideran un dos nosos máis valiosos patrimonios e sinais colectivos, por riba de afiliacións ou mesmo da lingua que empreguen para comunicarse no día a día”. Esa mesma chamada ao conxunto da sociedade “é válida tamén para que se sumen a esta plataforma e ás súas iniciativas as persoas e entidades que entenden o galego como un elemento a querer e a defender fronte a quen pretende agredir os nosos dereitos”, dixo.

O acto de presentación pública das primeiras iniciativas de QUEREMOS GALEGO contou coa participación dunha vintena de representantes de entidades cidadás que xa fan parte da plataforma e tamén coa do polifacético músico e escritor Xurxo Souto, que falou no nome do grupo de persoas que, vinculadas a ámbitos diversos da sociedade, van ir colaborando nas distintas iniciativas que se vaian pondo en marcha desde este proxecto cidadán.

O ex vocalista do mítico grupo Os Diplomáticos de Monte Alto e animador de millenta iniciativas sociais e culturais do máis diverso animou ao conxunto das galegas e dos galegos a recuperar “o pulso, o poder e a palabra” participando da manifestación do 18 de outubro e a apoiar as iniciativas que a prol do noso idioma propio se promoveren. Dirixiuse moi especialmente “ás moitas e aos moitos votantes do Partido Popular que queren o galego e rexeitan, con toda certeza, a guerra declarada polo goberno da Xunta contra o noso máis importante valor, contra o elemento que mellor nos une”.

Por outra parte, esta mañá presentouse tamén o texto da iniciativa lexislativa popular pola protección dos dereitos lingüísticos, que desde a plataforma se promove. Trátase dun texto “moi breve e sinxelo que non reclama imposíbeis”, segundo explicou Fran Rei, “senón a adopción de medidas legais dirixidas a cumprir todo aquilo que xa está previamente recollido na lexislación”. A ILP será rexistrada nos próximos días no Parlamento de Galiza, que ten un máximo dun mes para decidir sobre a súa admisión a trámite e dar instrución á Xunta electoral central para que inicie o procedemento recollido legalmente.

A plataforma QUEREMOS GALEGO conta con poder levar a iniciativa á rúa e comezar a recollida de apoios o vindeiro mes de novembro, estendéndoa durante 4 meses.

A SITUACION URBANISTICA DO BARRIO

2009-09-22T23:10:00.001+02:00

“A SITUACION URBANISTICA DO BARRIO DA AGRA DO ORZAN
ANTE O NOVO P.X.O.M. DO CONCELLO DA CORUÑA.”

O barrio da Agra do Orzán, hoxe atópase inmerso nun proceso de grave decadencia, que xa se pode visualizar, sobre todo a partires dos últimos 3 ou 4 anos; edificios ruinosos, pisos baleiros, baixos pechados, carteis con se vende ou aluga ..........E a falla de mantemento por parte do Concello,rúas,servizos.... e evidente, en fin .Un total abandono que agrava o caos actual,circulación,inseguridade......

. O Plan Xeral de Ordenación Municipal de 1998, permitiu a práctica desregulación na construcción de vivendas nos distintos barrios, xa consolidados da Coruña, deteriorando aínda mais a calidade de vida das veciñas e veciños de barrios xa altamente densificados, como a nosa Agra do Orzán, mais tamén, Mallos, Montealto,Castros......ao permitirse alturas, novos edificios en currunchos, sen garaxe e outros servicios, agravando inda mais os problemas de tránsito e aparcamento. O caso da Agra do Orzán e especialmente grave, xa que esta nova desfeita afecta a unha xa deficiente construcción, agravando aínda mais os problemas de masificación e calidade de vida.
Xa é unha tradición, que no barrio da Agra do Orzán, dende fai mais de 25 anos, o Goberno Municipal coruñés promova a construcción de novas vivendas privadas nos terreos públicos, reservados no seu día para zonas verdes e equipamento social. Ca inauguración do PXOM da democracia, polo primeiro Goberno Municipal coruñés democrático ,foron reservados estes terreos especialmente na zona das Conchiñas, e posteriormente cos sucesivos Gobernos Municipais, os poucos solares que restaban libres foron ocupados, impedindo deste xeito por decisión municipal, que o noso barrio puidese dispor de terreos para a dotación de equipamentos sociais......incrementado mais a densidade da poboación, ate chegar a ser a de maior densidade de habitantes de Europa, ca perda de calidade de vida que isto con leva.
A derradeira acción desta xestión especulativa con terreos públicos a constitúe o proxecto nomeado “Parque da Agra”. Unha macrourbanización de 400 vivendas, ocupando parcelas propiedade do Estado( Ministerio de Medioambiente) a carón do Observatorio Meteorolóxico, constituíndo o paradigma da política urbanística desarrollista especulativa do Goberno Municipal da Coruña, dende fai 25 anos ate hoxe.
Ante a próxima aprobación do PXOM, dende a Asociación Veciñal da Agra do Orzán, rexeitamos radicalmente, que se continúe ca mesma política urbanística, baseada na promoción da especulación e “pelotazos urbanísticos”.
Non podemos aceitar, un Plan Xeral para a nosa cidade e o noso barrio, que se anuncia a “bombo e platillo”, por moita referencia que se faga ao Sr.Busquets, onde se expón que xunto a dotación de servicios públicos,zonas verdes, esponxamentos e demais actuacións ao servicio da calidade de vida das veciñas e veciños, “transversalmente”e ao mesmo tempo, executarán a construcción de ¡¡34000 vivendas privadas!! , e ademais que primeiro se construirán as vivendas e despois os servicios públicos e zonas verdes ¿? ¿ Acaso o Goberno Municipal da Coruña considera parvos as veciñas e veciños desta cidade ? Cando hoxe, na Coruña hai mais de 20000 vivendas desocupadas e infinidade de solares e vivendas ruinosas para reutilizar e reciclar.
Dende a Asociación Veciñal Agra, rexeitamos este “continuísmo disfrazado de modernidade”,dunha política urbanística de sempre, que supón “Pan para hoxe e fame para mañá”, que só beneficia a catro especuladores, (mais ou menos emparentados cos membros do Goberno Municipal) que axudan a promover CRISES como a que hoxe está a padecer a maioría social coruñesa.
Pola contra, apostamos por políticas urbanísticas sostibles, que xeneran valor engadido e postos de traballo en intensidade, para o conxunto da sociedade, como poden ser entre outras, a rehabilitación tanto parcial como integral, e pola posta en valor dos milleiros de vivendas baleiras, mediante a súa recuperación e as medidas axeitadas para o seu uso polas moitas familias coruñesas cas necesitan.
Dende a Asociación Veciñal Agra, vimos traballando para promover unha ordenanza que facilite a instalación de elevadores nos edificios dos barrios da Coruña, que foron construídos no seu día sen este servicio esencial , o que provocou un problema social grave, ao pechar nas súas vivendas a moitas veciñas e veciños con problemas de mobilidade, afectando tanto a o noso barrio como a outros xa consolidados, que hoxe constitúen a maioría da cidade. A nosa actuación, vai a permitir unha masiva rehabilitación parcial de moitas vivendas, ao ser xa posible, a instalación de ascensores nas mesmas. Isto supón na práctica, unha actuación urbanística sostible que mellora a calidade de vida dos barrios, e hoxe podemos afirmar que xa contamos ca Ordenanza Municipal e cas reformas necesarias na Lei da Vivenda, gracias a tenacidade da nosa Asociación Veciñal Agra e a boa acollida, que a nosa proposta, tivo no Concello coruñés e a Xunta de Galiza , despois de superar todo los atrancos, que non foron poucos.
Ante o novo PXOM da Coruña, defenderemos para o noso barrio da Agra do Orzán e os outros barrios da Coruña, un modelo de novo urbanismo que contemple entre outros aspectos , a rehabilitación parcial ou total dos edificios, como o conseguido cas facilidades legais para a instalación de servicios como o dos ascensores, pero que vaia mais alá, ca rehabilitación de zonas e polígonos enteiros, renovación de rúas, recollida de augas, eliminación ou reforma de tendidos ou instalacións electromagnéticas contaminantes.....Recuperación de solares abandonados , recunchos e edificios ruinosos, para o esponxamento do barrio e a dotación de servicios sociais públicos e zonas verdes , que pola súa total ausencia, tanto necesitamos no noso barrio.
Con relación aos novos barrios e poucas zonas que quedan sen urbanizar, REXEITAMOS que co novo PXOM se pretenda salpicar de grupos de edificios de mais de 10 plantas, as poucas zonas libres, e tamén no noso barrio, formando parte das 34000 vivendas, cando hoxe existen mais de 20000 vivendas baleiras, por moito que se nos traten de vender, zonas verdes, equipamentos sociais con fondos europeos........Con estas propostas, observamos que o Goberno Municipal ,co novo PXOM, pretende continuar ca mesma política desarrollista baseada na especulación urbanística , e seguir engordando a “burbulla financeira” ; fenómeno, do que xa estamos a ver as consecuencias, ca actual crise económica, da cal, estas políticas urbanísticas son as maiores causantes.
Por todo elo, FACEMOS UN CHAMAMENTO as veciñas e veciños do nos barrio e da Coruña en xeral, para que se pronuncien contra este NOVO ENGANO, que nos pretenden vender con PXOM anunciado. Propoñemos, pola contra, que se mude de modelo de política urbanística municipal, apostando pola SOSTENIBILIDADE e un crecemento cualitativo, impulsando a rehabilitación de vivendas, renovación de barrios vellos e unha urbanización de calidade nos barrios novos e zonas que restan por urbanizar, libres de RASCACEOS como se pretende, que rexeitamos rotundamente.

FRANCISCO GRAÑA IGLESIAS

Reflexión

2009-09-21T23:17:00.003+02:00

Dende que comezaron as obras de renovación da rúa Barcelona veño oíndo criticas e queixas sobre esta remodelación. Critícas que comezaron cando as árbores que tanto escasean no barrio foron arrincados e convertidos en leña, non foron plantados nunha nova localización se non esnaquizados demostrando novamente o que lle importa ao Concello coruñés os espazos verdes, e manifestando con entusiasmo o que lles encanta o cemento. As estatuas e fontes desapareceron para deixar paso a esa falsa modernidade que parece que xera o cemento no chan.

Se nos pomos a pensar o gasto e o trastorno xerado con esta obra absurda poderiamos realizar melloras e acondicionar zonas verdes, e non afundir aos veciños en máis espazos grises carente de vida.

Desde estas liñas quero plasmar a desconformidade dos veciños deste barrio por esta obra totalmente impersonal , e máis aínda facer ver a mala xestión desde a alcaldía coruñesa.

Luis Barreiro..... Un veciño calquera...

Irregularidades Urbanísticas

2009-09-15T23:59:00.005+02:00

Desde este blog queremos publicar estas fotografías dun edificio do barrio que seguro todos coñeceís simplemente ao velo. Pois pra os que non, é o que se atopa no medio da rúa Agra do Orzán, rúa que leva o nome deste barrio.

Esta obra estivo parada durante moito tempo, non por falta de diñeiro para acabala, senón por cometer irregularidades urbanísticas. O concello da Coruña como vén sendo normal no canto de intentar solucionar o problema, e non deixar concluír a obra deste edificio e facer vivenda de calidade e con prazas de garaxe, admite que cada vez se sigan cometendo irregularidades deste estilo, que evidentemente favorecen a uns cantos enriquecidos e seguramente personaxes importante con algún cargo, e para nada favorece aos veciños e menos ao barrio. Con todo isto quero dicir que se algo está mal boto é mellor rectificar a tempo , non permitir cousas como esta.

Luis B.

Israel e Palestina

2009-08-26T10:07:00.001+02:00

Se se viaxa a Xerusalén observarase a forte presenza do monoteísmo nalgunha das súas tres formas relixiosas. Non se trata só da pegada profunda, intolerante e violenta do xudaísmo, cristianismo e islamismo na historia desta cidade, senón tamén a súa expresión contemporánea, ás veces non menos esencialista e radical. Por desgraza, aínda que o sangue non chegue sempre ao río, séntese o tribalismo asociado á relixión, que se expresa como diferenciación e defensa do grupo propio perante os outros. A crenza na superioridade ideolóxica grupal e o fanatismo derivados, levan á pelexa polo control dos lugares santos e o seu espazo correspondente. Pasa o mesmo co mesmo cristianismo, que compite nas súas distintas versións polo dominio da basílica do Santo Sepulcro en Xerusalén e da Natividade en Belén. Nesta terra denominada santa falta, como noutras partes do mundo, algo de laicismo san, e que a relixión fique no ámbito privado e non se entremeta no terreo político, para que agromen a tolerancia e a paz.

Se non houbese en Europa desde o XIX o rexeitamento, os progroms e o holocausto contra os xudeus non surxiría o sionismo, e ningún organismo internacional pensaría na creación dun fogar nacional para eles nin na partición de Palestina entre xudeus e árabes. O que pretendía ser un refuxio perante a intolerancia relixiosa e política europea transformouse noutra cousa, producíndose unha ocupación progresiva do territorio palestino e o surximento de centos de miles de desprazados palestinos a outros países e localidades. Os palestinos pagaron inxustamente as consecuencias da intolerancia secular europea anterior cos xudeus.

O estado de Israel, malia anexionar considerábeis poboacións árabes, naceu como estado xudeu, convertendo a aqueles en cidadáns de segunda ou en refuxiados sen terras. E o sionismo socialista primixenio deu paso nas últimas décadas á radicalización revisionista representada polo actual Likud. Xa non se trata do acollemento dos perseguidos polo antisemitismo secular, senón da expansión demográfica de Israel con inmigrantes económicos procedentes de Rusia e de Latinoamérica, seguindo coa creación de novas colonias forá das fronteiras recoñecidas pola ONU.

Teatro no barrio

2009-08-25T21:24:00.002+02:00

Este venres ás 11:30 realizarase no baixo de Danthea teatro que se atopa na rúa Agra do Orzan, unha función para o campamento urbano da asociación Abraio de Tomas Barros asociación de eco desenvolvo Gaia será unha convivencia de nenos coruñeses con nenos de 17 nacionalidades. E pola tarde á 19:30 será unha función aberta para os nenos do barrio do agra.

Desde a asociación pedimos colaboración aos veciños do barrio para apoiar esta iniciativa.

A Estremadura galega

2009-08-11T21:37:00.001+02:00

MANUEL MIRAGAIA DOLDÁN

Hai só uns días tiven a oportunidade de realizar unha viaxe que levaba tempo dese- xando a esa terra tan curiosa e fascinante como é a da chamada, entre outras cousas, polo seu verde Estremadura galega. Situada na zona noroeste da provincia de Cáceres, arrodeada das montañas da Serra de Gata e lindeira con Portugal áchase a ricaz terra do Val do Xálima coas súas carballeiras e soutos, coas súas oliveiras e vides. Na cunca do río Ellas localízanse tres concellos singulares denominados na súa propia fala: Valverdi du Fresnu, San Martín de Trevellu e As Ellas. Un conxunto de elevados cumios pertencentes ao Sistema Central, dos que sobresae cos seus 1.492 metros o pico Xálima, dificultaron as comunicacións terrestres, mantendo illado durante séculos este val.

Durante a Idade Media esta terra foi repoboada principalmente con colonos galegos. O sorprendente é que despois de sete séculos aínda se manteñen tradicións semellantes ás galegas, estando afastados centos de quilómetros da Galiza administrativa, como as relativas á noite de San Xoán ou á dos magostos, aquí chamados borrallós. Estas tres vilas contan cunha gastronomía, coa arquitectura popular dos chozos, semellantes ás nosas pallozas, cuns trebellos agrícolas e cunha toponimía que lembran ás galegas. Porén, o máis salientábel é a existencia da fala, utilizada por case a totalidade dos seus 5.000 habitantes, e que constitúe unha variante do galego-portugués medieval con algúns trazos asturianos. A fala, substancialmente a mesma, recibe distintas denominacións nas tres localidades: valverdeiro en Valverde, mañegu en San Martín e lagarteiru nas Ellas. Os habitantes deste val, sonado polo aceite ecolóxico de oliveira, están orgullosos da súa fala, utilizándoa acotío o 95% deles nas súas conversas. Aínda que non entrou nas escolas, os pais e nais comunícanse por medio dela cos seus fillos. Os que están na emigración tamén llela transmiten ás súas familias. Os amigables xalimegos ven a miúdo a televisión galega, preferindo as súas retransmisións futbolísticas. Cóntase que moitos pasaban por galegos no servizo militar e que na emigración suíza se relacionan frecuentemente cos galegos nos seus centros. O filólogo e profesor da Universidade de Vigo Xosé Henrique Costas e o mañegu Domingo Frades, membro correspondente da Real Academia Galega, levan anos estudando e traballando pola promoción da fala. A Xunta de Estremadura declarouna Ben de Interese Cultural no 2001. Agora só falta que a recoñeza no seu Estatuto autonómico.

Paga a pena viaxar a este recuncho de Estremadura. Recomendo parar en San Martín de Trevellu, por mor do seu conxunto magnífico de arquitectura popular, cos seus poios de cantaría na entrada das casas e os regatos polo medio das rúas. Casa Antolina, coas súas bonitas estancias e a amabilidade do seu persoal, constitúe unha excelente opción. Nestas terras lembraranlle ao galego que se achegue que eles usan máis a fala que moitos galegos a súa lingua, e amabelmente aseguraranlle que tamén forma parte da súa xente. O Val das Ellas podería ser un sanatorio excelente para curar moitos galegos afectados de diglosia e da epidemia da galegofobia.

Fotografía histórica

2009-07-25T00:30:00.002+02:00

Hoxe un dos veciños do barrio mándanos esta fotografía na que se pode ver o hospital militar, e apréciase como era esa zona e como non ten nada que ver co actual . Aproveitamos para recordar que todas as fotografías que nos queiran enviar serán publicadas no blog.

25 de xullo, Día da Patria.

2009-07-22T19:45:00.009+02:00

Doutra volta volve ser 25 de xullo.
Para lembrar a festa nacional e celebrala cumpre tamén tirar de hemeroteca. Máis dun seculo de celebracións teñen estampas e discursos que deben ser lembrados, sendo referentes desta data.
A continuación subimos ao noso blogue o discurso "Alba de Groria", última intervención pública de Castelao, o 25 de xullo de 1948, no Centro Galego de Bos Aires. O discurso foi posteriormente recollido nunha pequena edición publicada no primeiro cabodano do pasamento do político galego, no ano 1951.

Discurso "Alba de Groria". Alfonso Daniel Rodríguez Castelao, Centro Galego de Bos Aires, 25 de xullo de 1948.

Castelao no día da patria de 1934

tras o monumento a Rosalía de Castro

na Carballeira de Santa Susana,

Santiago de Compostela.

25º aniversario do traslado dos restos mortais de Castelao á Galiza

2009-06-26T22:42:00.011+02:00

O 28 de xuño de 1984 Castelao voltou a Galiza.

A Asociación Veciñal da Agra do Orzán lembra esta data publicando no seu blogue a retransmisión en directo daquel momento, feita pola TVE en Galiza, baixo a narración de María Tareixa Nabaza, e a dirección de Alexandre Cribeiro.

Sirva de homenaxe a estes dous demócratas esta pequena contribución da Asociación, xa que grazas a eles temos constanza gráfica.

25º aniversario da traída dos restos de Castelao.

O domingo día 28 cúmprese o 25 aniversario da traída dos restos mortais de Alfonso Daniel Rodríguez Castelao.

http://gl.wikipedia.org/wiki/Alfonso_Daniel_Rodr%C3%ADguez_Castelao

É imprescindíbel para comprender o presente ter consciencia do pasado.

Por iso ofrecemos o vídeo da chegada a Santo Domingos de Bonaval do cadaleito do político galego.

Asemade descríbense os acontecementos que rodearon aquel feito, moi afastados do que sería a vontade do propio Castelao.

O contexto.

Había que lexitimar a nova estrutura de estado. A Constitución, traxe a medida feito para que a “democracia orgánica” pasase a chamarse “monarquía parlamentaria”, entrara en vigor tres anos antes e o desenvolvemento político-administrativo na Galiza estaba no “albor”.

Unha fráxil democracia, sustentada no continuísmo por contra da “ruptura democrática”, debía, no formal, dar rexos golpes de temón reflectidos nun caderno de bitácora escrito de antemán, coa cúpula militar como vixía na cofia, e ancoradoiro no peirao do Borbón, antípoda do porto da lexítima República obrigado a abandonar corenta anos atrás de forma tan dramática e sanguinolenta.

A primeira lexislatura do Parlamento de Galiza debía servir a esa cruzada nacional-católica: lexitimar nestas provincias galaicas do nordés o novo “estado de dereito” nun exercicio hipócrita de supervivencia da elite tardofranquista e reprimir, coa contundencia necesaria, calquera proposta ou visión alternativa.

Mais aquela visión alternativa non era, en stricto senso, iso, alternativa; máis, se cabe, era a visión que lle correspondería a esta nación, ao conxunto do estado español, se o golpe do estado do 36 non existira.

O nacionalismo defendía a única posición congruente, coa historia e co tempo: o Estatuto do 36, a última vontade da Galiza da II República, fusilada por Franco e o “alzamiento” e que recibira o tiro de graza nos Pactos da Moncloa.

A contundencia coa que se aplicou o novo réxime foi obvia desde o primeiro momento. A nova norma estatutaria, o Estatuto dos 16, excluíu ao nacionalismo. Tentouse darlle suposta carta de lexitimidade a todo o proceso coa inclusión de representantes do Partido Obreiro Galego e o Partido Galeguista. A manifestación de Vigo do 79 e o resultado da referenda popular foi bastante nidia. A primeira Xunta morrera antes de nacer.

Por iso o Parlamento galego debía, canto menos, someter calquera discrepancia alén do camiño trazado, cando non, aniquilala. O parlamento non podía converterse na plataforma, no escaparate, no altofalante da verdade histórica, da memoria histórica. Que ironía. E así fixo co nacionalismo.

E abríronse dúas frontes: na política, apartando das institucións ao nacionalismo. E na historia, macelando, imposíbel na vida, máis sagrado porén, na súa morte, o símbolo da Nación, a Castelao.

Resulta máis que evidente, co paso dos anos, que a secuencia de acontecementos estaba orquestrada coma unha perfecta sinfonía. Primeiro deslexitimábase a expresión e vontade política dunha parte da sociedade e posteriormente espiábase a súa historia nun cobarde acto de tortura camiño da perda da nosa identidade.

A aniquilación da vontade política.

O nacionalismo na Galiza era o PSG e a UPG. Calquera outra formación ou organización ou ben era vasala do españolismo ou, se non, do independentismo. A primeira lexislatura do parlamento galego foi o froito da expresión popular emanada das eleccións celebradas o 20 de outubro de 1981. Debuxaron unha fragmentación parlamentaria propia do tempo e do espazo. Mais era deber simplificar a ecuación e o “xe” a despexar tiña nomes a apelidos: Lois Diéguez, Claudio López Garrido e Bautista Álvarez, deputados da coalición BN-PG-PSG.

Co pretexto da aprobación do regulamento do funcionamento da cámara parlamentar estes deputados foron esixidos de xurar o texto constitucional con posterioridade á súa toma de posesión, obrigándoselles, en troques, a abandonar o exercicio das súas funcións. Acometíase, nun chamado estado de dereito, a aplicación dunha nova norma con efecto retroactivo. Testemuñas desta violación básica da xurisprudencia máis común, cómplices da falcatruada da elite político-administrativa representada por Gerardo Fdez. Albor, Mariano Rajoy e Antonio Rosón, participaban as que se poderían considerar forzas progresistas do momento: Partido Comunista de Galiza, Esquerda Galega e o PSOE-PSdeG.

O texto regulamentario fora aprobado na cámara o primeiro de xuño de 1982, e comezou a aplicarse xusto un mes máis tarde; nove meses despois da toma de posesión dos parlamentarios.

O 23 de novembro de 1982, xusto un ano despois do comezo da primeira lexislatura do parlamento a vontade da expresión política do nacionalismo era eliminada da institución…

http://www.parlamentodegalicia.es/sites/ParlamentoGalicia/BibliotecaDiarioSesions/D10017.PDF

(Diario de Sesión do PG núm. 17, 23 de novembro de 1982);

http://www.elpais.com/articulo/espana/ESPAnA/GALICIA/GALICIA/BLOQUE_NACIONAL_POPULAR_GALEGO_/BNPG/PARTIDO_SOCIALISTA_GALEGO/Incidentes/Parlamento/Galicia/expulsion/parlamentarios/nacionalistas/elpepiesp/19821125elpepinac_16/Tes/

(crónica en “El País” da expulsión dos parlamentarios, 25 de novembro de 1982).

A aniquilación da nosa historia.

Sen a amplificación parlamentaria o apropiarse da historia pasaba polo aldraxe ao símbolo.

O dous de agosto de 1983, con estío e aleivosía, como rexe o decimonónico costume da administración pública, presentábase o “proxecto non de lei sobre o traslado a Galicia dos restos de Castelao”.

http://www.parlamentodegalicia.es/sites/ParlamentoGalicia/BibliotecaBoletinsOficiais/B10151.PDF

B.O.P.G. onde se recolle a admisión a trámite da proposición non de lei, o texto da mesma e a apertura do período de presentación de emendas, 12 de setembro de 1983.

Con cómplices ou sen eles. Aínda que xa non facía falla.

Desde ese intre comezou o proceso administrativo que culminou o 7 de outubro de 1983, e polo cal o Parlamento de Galiza aprobaba o proxecto definitivo, sempre sometido á vontade da familia aínda viva, a súa irma Teresa.

http://www.parlamentodegalicia.es/sites/ParlamentoGalicia/BibliotecaDiarioSesions/D10050.PDF

Diario de sesións onde se recolle a intervención e presentación da proposición non de lei e as distintas emendas ás mesma, 7 de outubro de 1983

http://www.parlamentodegalicia.es/sites/ParlamentoGalicia/BibliotecaBoletinsOficiais/B10164.PDF

B.O.P.G. coa publicación do texto definitivo, 17 de outubro de 1983

Finalmente, cun macabro sentido do humor, un 28 de xuño, no 1984, Castelao regresaba á patria.

Mais alí estaba o nacionalismo.

E a televisión.

E a testemuña gráfica que quedou grazas a persoas comprometidas e democráticas.

http://www.elpais.com/articulo/cultura/RODRiGUEZ_CASTELAO/_ALFONSO_DANIEL_/ESCRITOR/GALICIA/restos/Castelao/seran/enterrados/hoy/Panteon/Galegos/Ilustres/junto/Rosalia/Castro/elpepicul/19840628elpepicul_7/Tes/

Crónica de “El País”, o día da traída dos restos de Castelao, 28 de xuño de 1984.

http://www.elpais.com/articulo/espana/RODRiGUEZ_CASTELAO/_ALFONSO_DANIEL_/ESCRITOR/GALICIA/Dimite/organizador/traslado/restos/Castelao/elpepiesp/19840701elpepinac_15/Tes/

Crónica de “El País” cobre o cese fulminante do Director do Centro Territorial da TVE en Galiza

http://www.xornal.com/artigo/2009/06/21/suplementos/estratexias/descarga-contexto-pdf/2009062119033934085.html

Suplemento do “Xornal” ao conmemorarse este 25º aniversario

Se tes problemas para ver este vídeo enlázate:

http://youtube.com/wacht?v=tnI3b2h3M7U

Consulta aos pais

2009-06-15T12:50:00.000+02:00

Cando ao conselleiro de Educación se lle pregunta o motivo para derrogar o actual decreto do galego responde que é para superar a súa conflitividade. Porén, nunca na escola a houbo por mor do galego. A cativa oposición ao decreto naceu do seu propio partido, ao rexeitar o consenso existente e apoiar a Galicia Bilingüe.

En consecuencia, se quixese evitar o conflito tería, en boa lóxica, que deixar de axudar a ese colectivo crispador e facer que o seu partido volvese ao razóabel consenso que había do Parlamento en pleno e da comunidade educativa.

Outra falacia que cometen o conselleiro e o seu secretario xeral de Política Lingüística, Anxo Lorenzo, é a de repetiren que houbo unha imposición do galego, que só eles ven, cando o actual decreto só chegaba a fixar un uso equilibrado do 50%.

O que si constitúe unha verdade é que cos proxectos da nova Xunta se quere diminuír aínda máis o número de galegofalantes e que os galegos e galegas teñan unha boa competencia na nosa lingua, impoñendo arteiramente o castelán. Á actual Xunta non parece preocuparlle a posíbel desaparición da nosa lingua do sistema educativo nin a súa pervivivencia no seo da poboación de Galiza.

Calquera pai ou nai debería saber que se desexa que os seus fillos sexan realmente multilingües terán tamén, no caso da nosa lingua, que utilizala na aprendizaxe, non só como materia. A lingua é a máis sobranceira expresión do noso patrimonio inmaterial e serve para a comunicación internacional cos centos millóns de falantes da lusofonía. Alén diso, convén lembrar que saber linguas, como o galego, potencia a intelixencia e as capacidades do neno. Por iso o prestixioso Informe Pisa asegura que os alumnos galegos teñen mellor dominio do castelán e do inglés que a media española.

Preténdese realizar unha consulta improvisada e irregular aos pais sen o máis mínimo rigor científico, sen rotulación oficial, sen controis externos do seu cómputo, sobre as materias troncais, coa finalidade real de rebaixar a presenza do galego nas escolas. Sospéitase de que se trata dunha consulta trampa. Dubídase de se con ela hai unha vulneración dos dereitos dos nenos a coñecer a súa lingua e unha inconstitucionalidade pola segregación derivada. Non existe a opción de que todo en galego. Non se considera a posíbel abstención que poida haber.

Mellor era que quedara todo como estaba, cun xusto equilibrio para cada lingua, como recomendan teimosamente os criterio pedagóxicos e a maioría do profesorado. Só elixindo a opción de todo en galego nas materias troncais, pois das outras non se fala, garántese que se vai cumprir co 50% para o ensino en galego e en castelán na educación primaria, na secundaria e na formación profesional. Na consulta de educación infantil, para evitarmos a súa rebaixa, habería que sinalar na primeira pregunta que a lingua inicial é a galega.

Parece que os intereses políticos dalgúns contan máis que os principios pedagóxicos e a calidade educativa de todos. Para distraer da crise esta Xunta entra no terreo visceral da lingua. Semella que se busca a confrontación e a división sociais. O curioso é que non se consulte aos que saben máis destas cuestións: aos profesionais do ensino.

Incríbel a ousadía desta Xunta! Pode chegar a ter un problema moi grave, máis que coa oposición dos socialistas e nacionalistas, nos centros escolares de primaria e de secundaria cos profesores e profesoras. O que comezou sendo un xogo de demagoxia electoral vaise converter nunha grande ameaza para o sistema educativo.

Manuel Miragaia

Fotografías da prantación de árbores

2009-06-07T22:19:00.005+02:00

Desde este venres, o noso barrio conta con máis árbores, despois de que algúns veciños contrarios ao plan urbanístico para o barrio proposto polo concello, e membros desta asociación e a Plataforma polo Parque do Agra, decidisen plantar dúas árbores no pouco espazo verde que queda no Observatorio Meteorolóxico.

Así que aquí están á vosa disposición as fotografías do acto.

Día Mundial do Medio Ambiente

2009-06-04T12:14:00.000+02:00

A “Plataforma polo Parque da Agra” e a “Asociación de Veciños da Agra do Orzán” plantarán unhas árbores como crítica ao exceso de cemento no barrio e na cidade da Coruña

A “Plataforma polo Parque da Agra” e a “Asociación de Veciños da Agra do Orzán” teñen pensado realizar a plantación de árbores este venres día 5 de xuño, ás 7 da tarde, nos terreos do Observatorio Meteorolóxico (entrada pola rúa Canceliña) como celebración do Día Mundial do Medio Ambiente.

Con esta acción, para a que se anima á participación de todos os veciños e veciñas da Agra do Orzán, preténdese simbolizar a oposición a que se especule cos terreos públicos do Observatorio –correspondentes ao Ministerio de Medio Ambiente- e cos privados que os arrodean. Os veciños e veciñas da populosa Agra non queremos que no único espazo libre que queda na nosa zona se constrúa unha macrourbanización de vivendas, no canto do parque ou zona verde que necesitamos e que desde hai anos vimos demandando.

Queremos expresar a nosa radical oposición á política urbanística “desarrollista” que se segue a manter polo Concello da Coruña, que vai acabar por cubrir toda a súa superficie de cemento. Só con desprazármonos, por exemplo, á cidade de Santiago de Compostela podemos comparar a enorme diferenza entre as políticas urbanísticas dos dous concellos. Na cidade compostelá creáronse nos últimos anos amplas e numerosas zonas verdes repartidas polos seus barrios, mentres que na Coruña se seguen a construír grandes edificios pegados uns aos outros, sen zonas verdes que os esponxen, deteriorando definitivamente a calidade de vida dos seus moradores.

Nunha data tan especial como é a do Día Mundial do Medio Ambiente desexamos manifestar a nosa defensa dos valores ecoloxistas, da conveniencia de conservar o noso medio natural e da necesidade de creación de zonas verdes e espazos de lecer nos entornos urbanos masificados, como o que representa o noso barrio da Agra do Orzán.

Nós plantamos árbores, mentres o Concello da Coruña arrincou hai uns meses os poucos que había na rúa Barcelona, converténdoos en leña. Velaí o ecoloxismo da Concellaría de Urbanismo e do señor Alcalde!

Por unha calidade de vida para A Agra!

Polo Parque que necesitamos!

Parque si, vivendas non!

A Opinión do Barrio

2009-05-26T12:47:00.002+02:00

Hoxe queremos expor a reflexión feita por un veciño do barrio, pola polémica xerada por Núñez Feijoo, de querer cambiar a lei de normalización lingüística para que na nosa cidade coexistan os dous topónimos, o A e o La

O Cambio.

Xa se empeza atisbar cambios impositivos, no breve goberno ata a data de Núñez Feijoo. Cambios como o da Lei de Normalización Lingüística para declarar a cooficialidade dos topónimos A Coruña e La Coruña. Isto vén por mor das noticias aparecidas en varios medios de prensa escrita, como o Ideal Galego , e A Opinión Da Coruña. Grazas a isto gustaríame recordar que moita xente aínda segue facendo mención escrita a ”La Coruña”, cousa que por descoñecemento ou simplemente por pura ignorancia, non saben que é totalmente incorrecta esa toponimia. Xa que se miramos a Lei 3/1983 de Normalización Lingüística sinala no seu punto 1 que os topónimos terán como única forma oficial a galega. A lei tamén sinala que un dous factores fundamentais dá recuperación dá nosa personalidade colectiva e dá súa potencialidade creadora e a lingua, por se-lo núcleo vital dá nosa identidade. Cousa que debería recordar o señor Feijoo por ser nado Galiza .
No punto 2, reflexa que lle corresponde á Xunta a determinación dos nomes oficiais dos municipios. E xa que os populares conseguiron a maioría absoluta nas eleccións autonómicas, xa logo, non teñen que apoiarse en ninguén, nin pedir apoio para o seu cambio. Cambio que aos poucos levaría a castelanización e o desarraigamento ideomático, que por desgraza o goberno popular parece que é o que pretende. Tamén se recolle no Decreto Lei 189/2003, do 6 de febreiro, polo que se aproba o nomenclátor correspondente ás entidades de poboación dá provincia dá Coruña.
Con todo isto quero dicir que aínda que o goberno popular teña o poder de cambio , deberíase de apsterse de realizalo , e conseguir arraigar máis o idioma no pobo que é o que nos dá a identidade. E preocuparse de facer política , ainda que seña de dereitas, e non botar por terra todo o traballo conseguido ata o de agora , que como segundo din as enquisas de que catro de cada dez persoas que non falaba galego agora empézano a facer.

Luis Barreiro Amil

Manifestación da dignidade

2009-05-21T12:30:00.003+02:00

Hoxe poñemos a disposición dos veciños o artigo escrito polo noso compañeiro Manuel Miragaia Doldán, que leva por título " Manifestación da dignidade". Se queredes podedes ver os seus artigos todos os mercores no xornal "Galicia hoxe" baixo o epígrafe de "Vento Fresco", ou senon na páxina web dese mesmos xornal http://www.galicia-hoxe.com.

As rúas de Compostela, desbordando as máis optimistas previsións, viviron o pasado 17 de maio a manifestación galeguista máis grande da historia. Unhas 40.000 persoas procedentes de todos os puntos de Galiza, de todas as idades e condicións, ateigaron, malia as pésimas condicións meteorolóxicas, de xeito cívico a zona vella compostelá para expresaren o seu compromiso coa lingua galega. Nunca se alcanzara tan elevada participación nunha manifestación pola defensa da nosa lingua e cultura. Nin sequera en ningún dos concorridos 25 de xullo se chegou a esa cifra de manifestantes. A grandiosidade e a emoción da xornada, na que miles de persoas expresaron con orgullo a súa galeguidade, a súa pertenza ao pobo galego, convertérona nun dos grandes fitos históricos de Galiza, como anos antes foi a masiva concentración popular polo Prestige.

Malia todo, a defensa da nosa lingua segue moi viva. Calquera cidadán consciente mobilizarase se sente ameazada a dignidade e a esencia do seu pobo. Rexeitará que se xogue coa súa lingua ao utilizala como un simple medio electoral, comprometendo a súa conservación e normalización, porque iso evidenciará o menosprezo que se ten con ela. A lingua é patrimonio común e a máis sobranceira criación das sucesivas xeracións dun pobo. É superior a calquera ideoloxía ou grupo político. Todos, mesmo os conselleiros da Xunta, teñen o dereito a usala e o deber de conservala. E o parlamentario ou cargo público que a descoñeza debería por respecto á cidadanía sentirse obrigado a estudala axiña.

A macromanifestación do domingo pasado e as declaracións dos principais dirixentes do BNG e o PSOE galego a prol da normalización da nosa lingua terían que facer reflexionar a Núñez Feijóo para que restaure o pasado consenso lingüístico, dinamitado unilateralmente polo seu partido. Debe lembrar tamén que os votos que obtivo son menos que os correspondentes á suma das outras dúas organizacións políticas.

Sería unha irresponsabilidade pola súa parte seguir guiándose por esa minoritaria e ultra asociación viguesa á que lle acaería mellor a denominación de España Monolingüe. A maioría dos galegos e galegas non subscriben as propostas conflitivas e lingüicidas dese grupo. Pretenderen segregar os estudantes segundo a lingua que utilicen ou que os pais decidan sobre o sistema educativo dos seus fillos, alén de ser un despropósito, resulta dificilmente realizábel polos custos económicos e os problemas legais que ocasionaría.

A Crise Do Leite

2009-05-20T12:56:00.003+02:00

A Asociación de Veciños da Agra do Orzán, na cidade da Coruña, quere manifestar a súa preocupación pola situación na que se encontra na actualidade o medio rural galego, especialmente pola conxuntura grave dos produtores de leite.

Calquera país que desexe contar con autonomía alimentaria e cunha boa economía debe contar cun sólido medio rural que as sustente. Ademais, o medio rural galego sempre foi onde mellor se conservou a nosa lingua e cultura.

Porén, desde hai décadas vense producindo unha desertización do noso medio rural, agravada aínda máis a partir da entrada do noso Estado na UE. O goberno central e a súa ministrra Elena Espinosa aínda non se decataron da necesidade urxente de apoiaren ao sector leiteiro galego, a columna vertebral do noso agro, ameazado coa clausura inmediata das súas explotacións, por mor da políticas europeas que se seguen, nunca cuestionadas polas institucións estatais. Se isto chegase a suceder a economía galega sufriría un importante retroceso, o mesmo que a nosa autonomía como pobo.

Por todo o anterior, a Asociación de Veciños da Agra do Orzán desexa efectuar un chamamento a todos veciños e veciñas do populoso bairro coruñés da Agra do Orzán para que só merquen e consuman leite e derivados procedentes das granxas e explotacións gandeiras galegas. Débese evitar, por tanto, a adquisicón en tendas e supermercados das marcas brancas e do leite procedente de fóra.

Os máis de 40.000 veciños e veciñas da Agra tamén podemos contribuír activamente á causa xusta do mantemento e desenvolvemento dos sectores produtivos do noso campo.

Día Das Letras Galegas adicado a Ramón Piñeiro López

2009-05-17T13:52:00.009+02:00

BIOGRAFIA

Infancia

Ramón Piñeiro López naceu no seo dunha familia labrega da parroquia de Armea, concello de Láncara (Lugo), en maio de 1915. Tivo outros sete irmáns, dos que tres morreron sendo nenos. Era fillo de Vicenta López Fernández e de Salvador Piñeiro García, quen sempre demostrou unha preocupación pola cultura e pola educación dos seus pequenos superior á habitual naquela época entre a xente humilde. Isto, e a incipiente curiosidade e intelixencia de Ramón, explica que xa antes de chegar, con seis anos, á escola, o neno soubese ler, escribir e resolver algunhas operacións matemáticas. Se a escola non supuxo dificultades intelectuais para Ramón Piñeiro, adiantado con respecto aos seus compañeiros grazas á axuda familiar, si que lle causou un forte impacto ao facerlle percibir en toda a súa crueza a diglosia presente na sociedade.

Entre 1924 e 1928, Ramón Piñeiro cursou en Lugo o bacharelato elemental. Neses anos descubriu a literatura; tamén a literatura na súa lingua, que lle chegou da man dunha antoloxía de poetas nosos. Quedou impresionado ao decatarse de que o idioma de campesiños que a escola desprezaba era tan apto coma o castelán para as sutilezas da poesía.

Descubrimento do galeguismo

A precaria situación económica da familia impediu inicialmente que Ramón Piñeiro puidese continuar os seus estudos, polo que este regresou á casa para dedicarse aos labores do campo. Mais, aconsellada polo fillo do secretario do concello de Láncara, a familia resolveu enviar a Ramón a Sarria, onde levaría a contabilidade do comercio dun amigo do pai. Alí tivo Piñeiro os seus primeiros contactos co galeguismo. Subscribiuse ao diario El Pueblo Gallego, onde escribían artigos na lingua de Rosalía destacados intelectuais, como Ramón Otero Pedrayo. Ademais, cando en 1931 se proclamou a II República, o galeguista Lois Peña Novo foi falar á vila nun mitin que acabou de espertar as simpatías do mozo de Armea polo movemento que o orador defendía.

A finais daquel ano, Ramón Piñeiro volveu a Lugo para cursar o bacharelato superior axudándose da circunstancia de que unha súa irmá tiña traballo e casa naquela cidade. Alí medrou o seu sentimento galeguista, polo que fundou, canda os seus compañeiros de instituto, a Mocidade Galeguista de Lugo, da que foi secretario de cultura. A súa intelixencia e a súa entrega á causa levárono a relacionarse cos líderes do Partido Galeguista (PG) e a recibir deles importantes encargos, a pesar de ser aínda moi novo. A súa traxectoria culminaría coa súa elección como secretario do Comité Provincial do partido, o que o levou a implicarse fondamente na campaña a prol do Estatuto de autonomía.

A guerra

Cando, o 18 de xullo daquel mesmo ano, se produciu o levantamento militar contra o goberno, Ramón Piñeiro participou como representante do PG na comisión asesora do gobernador civil en defensa da República. Dende o momento en que os sublevados tomaron o control da situación, o mozo de Láncara estivo en perigo. En diversas ocasións tivo que esquivar, só ou coa axuda de compañeiros de estudos ou amigos da familia afectos aos rebeldes, a detención e a morte. Finalmente, cando chamaron a súa quinta, incorporouse a filas, pois servir no exército dos sublevados semellaba a única opción de protexer a súa vida.
Axiña descubriu que tampouco no exército estaba a salvo das denuncias e que, aos perigos normais da guerra, debía sumar os que derivaban da súa filiación política durante os tempos da República. Á súa insegura situación persoal uniu tamén Piñeiro a angustia que lle produciu comprobar como, a medida que se prolongaba o conflito bélico, as persoas que o rodeaban se ían insensibilizando e endurecendo. Agoniado ante a posibilidade de rematar coma elas, caeu na depresión. Desta experiencia xurdiu, unha vez superada a enfermidade, o seu interese pola filosofía, na que Piñeiro buscou a resposta á actitude deshumanizada que vira xeneralizarse ao seu arredor nos tres anos de guerra.

A loita clandestina

Así pois, rematada a contenda, Ramón trasladouse a Santiago de Compostela para estudar os anos comúns da carreira de Filosofía e Letras. En 1942 marchou a Madrid para cursar a especialidade de Filosofía.
En 1943 participou na reconstrución clandestina do PG e pasou a formar parte do seu Comité de Dirección. Aproveitou a súa estadía en Madrid para impulsar tres proxectos iniciais do partido: tomar contacto cos galeguistas exiliados, cos nacionalistas cataláns e vascos e co resto das forzas antifranquistas clandestinas.
No ano 46, axudado por nacionalistas vascos, Ramón Piñeiro cruzou os Pirineos a pé e, dende a fronteira, viaxou a París para entrevistarse co presidente do goberno republicano no exilio, José Giral. A súa misión era dobre: por unha banda, conseguir que se incluíse un ministro galego no dito goberno e que este fose Castelao, tal e como acordaran todas as forzas democráticas galegas; por outra, informarse dos plans e medios que o goberno tiña para derrocar o réxime de Franco. Conseguiu ambos os propósitos, mais quedou desolado ao constatar que o proxecto de Giral para rematar co franquismo era inxenuo e irrealizable, froito do descoñecemento da verdadeira situación que se vivía en España.
De volta a Madrid, Ramón Piñeiro foi prendido nunha reunión na que ía informar os outros grupos clandestinos das súas xestións en Francia. Foi condenado a seis anos de cárcere, dos que cumpriu tres.

A loita cultural

Vista a fortaleza que fora adquirindo o réxime franquista e o seu progresivo recoñecemento internacional, ao saír da cadea Ramón Piñeiro creu inviable continuar cunha decidida loita política na clandestinidade e optou pola loita cultural.
Tras operarse da vista, que se resentira dos tres anos de prisión, uniuse ao proxecto de levar adiante unha nova editorial, Galaxia, que lle dese cobertura legal ao galeguismo e permitirse facer públicas as súas ideas co fin de crear conciencia de país, especialmente entre as xeracións que estaban medrando baixo o férreo control ideolóxico do franquismo. Co mesmo propósito, tras instalarse en Santiago coa súa muller, Isabel López García, coa que casou en 1952, iniciaría o labor de entrar en contacto cos mozos que chegaban á cidade para cursar os seus estudos universitarios. Pola famosa mesa de braseiro da súa casa na rúa Xelmírez, 15 pasarían durante as dúas décadas seguintes moitos rapaces con inquietudes culturais e políticas.
Ramón Piñeiro foi o director literario de Galaxia e, dende ese posto, un dos principais artífices da reconstrución cultural galega da posguerra. Un dos primeiros propósitos da editorial foi crear unha revista, Grial, para a que non se conseguiría autorización gobernamental ata o ano 1963. Ramón Piñeiro e Francisco Fernández del Riego dirixiríana dende esa data e nela o primeiro publicaría máis de corenta colaboracións. Mais, previamente, esta publicación periódica foi saíndo do prelo de forma encuberta, como colección de libros de autoría múltiple. Na Colección Grial, que editou catro números antes de que as autoridades a suspendesen, publicou Ramón Piñeiro o seu primeiro ensaio filosófico: "Significado metafísico da saudade" (1951), de grande impacto nos medios intelectuais galegos e portugueses. Con esta obra demostraba sobradamente o que o goberno e moitos cidadáns poñían en dúbida: a capacidade da lingua galega para o xénero ensaístico e para a especulación filosófica.
Á saudade dedicaría Ramón Piñeiro outros catro traballos máis ("A filosofía e o home", "Para unha filosofía da saudade", "Saudade e sociedade, dimensións do home" e "A saudade en Rosalía") que, en 1984, reuniría no libro Filosofía da saudade. Dez anos antes, no volume Olladas no futuro, escolmara o máis significativo dos artigos que fora publicando dende o ano 49 en publicacións periódicas, nomeadamente en Grial. Ademais da creación orixinal, destaca no labor de Ramón Piñeiro a prol da cultura de Galicia e da dignificación da súa lingua a publicación de dúas traducións realizadas en colaboración con Celestino Fernández de la Vega: o Cancioneiro da poesía céltica, de Julius Pokorny, tradución que foi premiada pola editorial Bibliófilos Gallegos, e a conferencia de Martin Heidegger Da esencia da verdade. A significación que tiña a publicación en galego dun dos filósofos máis relevantes do momento, aínda non traducido ao castelán, non escapou ás autoridades, que puxeron reiterados atrancos á súa saída do prelo. A preocupación pola lingua galega de Ramón Piñeiro reflíctese tamén na súa dedicación á revisión e publicación do Diccionario gallego-castellano de Eladio Rodríguez González, que finara en 1949 sen sacar á luz o seu traballo lexicográfico.
En resposta ao afogamento da cultura galega que o franquismo practicaba sistematicamente, Ramón Piñeiro redactou un documento de denuncia que foi asinado por diversos centros galegos de América e repartido na nosa lingua, en inglés e en francés na VIII Asemblea Xeral da UNESCO (1954), causando o desconcerto entre a delegación española, presidida polo ministro de Educación. Xesús Alonso Montero deulle a este episodio o nome de "batalla de Montevideo".
A partir do ano 1966, Ramón Piñeiro foi convidado durante catro veráns ao Middelbury College de Vermont (EEUU) para impartir cursos sobre o a sociedade e o pensamento españois. En 1967 ingresou na Real Academia Galega co discurso A linguaxe e as linguas, en que, en opinión de Henrique Monteagudo, poden atoparse ecos dos estudos de sociolingüística que estaban xermolando naqueles anos nas universidades norteamericanas.

Volta á arena política

Durante os últimos anos do franquismo, Ramón Piñeiro ocupouse tamén de facilitar a creación dun partido socialista e outro de tendencia democristiá galegos, convencido de que "a maioría de idade política de Galicia tiña que consistir mesmamente en que deixase de existir un partido galeguista para que fosen galeguistas todos os partidos democráticos". Con todo, el non se integrou en ningunha destas formacións, pois coidaba que cumpría continuar facendo unha política cultural á marxe dos partidos que servise para galeguizar a parte da sociedade que non militaba en ningún deles.
A situación cambiou coa chegada da democracia e, con ela, da posibilidade da autonomía. Ramón Piñeiro comezou por apoiar diversos manifestos a prol da consecución dun auténtico autogoberno para Galicia e por participar na formación da sociedade de estudos e opinións Realidade Galega, que esixiu para o noso país un estatuto que lle garantise niveis de autonomía equivalentes aos do País Vasco e Cataluña. Nas primeiras eleccións democráticas foi candidato ao senado por Lugo nunha candidatura de unidade dos partidos que propugnaban o federalismo. A pesar de que a apoiaban o Partido Popular Galego (demócrata-cristiáns galeguistas), o PSG, o PSOE, o PC e o Movemento Comunista de Galicia, os seus resultados foron cativos. Preocupado por asegurar a presenza galeguista no primeiro Parlamento galego, cando chegaron as eleccións autonómicas aceptou a oferta do PSdeG-PSOE de ir como independente nas súas listas. Deste xeito, foi elixido deputado autonómico, o que lle deu a oportunidade de traballar a prol da Lei de normalización lingüística, aprobada por unanimidade en 1983. Nese mesmo ano, Ramón Piñeiro foi elixido presidente do primeiro Consello da Cultura Galega, cargo que ocuparía ata o seu pasamento en 1990. mundo.

BIBLIOGRAFÍA

Libros

Olladas no futuro. Vigo, Galaxia, 1974.
Lembrando a Castelao. Santiago de Compostela, SEPT, 1975.
Filosofía da saudade. Vigo, Galaxia, 1984.
Fermín Penzol. Vigo, Galaxia, 2001.
Da miña acordanza. Memorias. Vigo, Galaxia, 2002.
Galicia. Vigo, Galaxia, 2002.
A linguaxe e as linguas. Vigo, Galaxia, 2008.

Prólogos

"Carta a Novoneyra", en Novoneyra, U.: Os eidos. Vigo, Galaxia, 1955.
"Limiar" a Maside, C.: 50 dibuxos de Carlos Maside. Vigo, Galaxia, 1959.
"As andadas literarias de Méndez Ferrín", en Méndez Ferrín, X. L.: O crepúsculo e as formigas. Vigo, Galaxia, 1961.
"Prólogo" a Lugrís, R.: Vicente Risco na cultura galega. Vigo, Galaxia, 1963.
"Prólogo" a Pondal, E.: Queixumes dos pinos. A Coruña, La Voz de Galicia, 1979.
Prólogo a Albert Robatto, M.: Rosalía de Castro y la condición femenina. Madrid, Ediciones Partenón, 1981.
"Alfredo Brañas e o galeguismo", en Brañas, A.: El Regionalismo: estudio sociológico, histórico y literario. Centro Cultural Alfredo Brañas,1982.
"Algunhas consideracións sobre Luís Pimentel", en Luís Pimentel. A Coruña, Real Academia Galega, 1990.
"Lembrando a Luís Pimentel", en VVAA: Luís Pimentel (1985-1958). Unha fotobiografía. Vigo, Xerais.

Artigos

"Saudade", en Gran enciclopedia gallega. T. 28. Santiago/Xixón, Silverio Cañada Editor, s.d.
"Retorno a Tagen Ata, por X. L. Méndez Ferrín", Grial 32, 1971, pp. 238-239.
"En percura do Castelao verdadeiro", Grial 47, 1975, pp. 17-23.
"[Castelao], mestre da concencia galega", Boletín de la Real Academia Gallega 32, 1975, pp. 106-108.
"Sobre o pensamento galego da xeneración Nós", Avriense 5, 1975, pp. 31-35.
"Vicisitudes históricas da cultura galega", Cuadernos del Laboratorio de Formas de Galicia 4. Inauguración da Galería Sargadelos en Madrid. Ediciós do Castro, 1975; pp.105-119.
"Castelao e Pondal, duas visións da nosa historia", Homenaxe a Castelao. Universidad de Santiago, 1976; pp. 55-59.
"Importancia decisiva da xeneración Nós", Grial 59, 1978, pp. 8-13.
"Carlos Maside na miña lembranza", en VVAA: Maside: un pintor para unha terra. Santiago de Compostela, Colexio Oficial de Arquitectos de Galicia, 1979, pp. 33-47.
"A Galicia de Seoane", Grial 65, 1979, pp. 288-92.
"A personalidade política de Fermín Penzol", Grial 73, 1981,pp. 279-88.
"Parolar con Rafael Dieste", Grial 78, 1982, pp. 467-69.
"Peculiaridades del nacionalismo gallego", Muga. Homenaje a Koldo Mitxelena, 1982, pp. 12-19
"A revista Grial", en Kremer, D. e Lorenzo, R. (eds.): Tradición, actualidade e futuro do galego. Actas do Coloquio de Tréveris, Santiago de Compostela, Xunta de Galicia, 1982, pp. 35-41.
"Consello da Cultura Galega", Grial 84, 1984, pp. 238-40.
"Castelao político", Anthropos 65, 1986, 38-41.
"Lembrando ao Cilistro [Celestino Fernández de la Vega]", Grial 95, 1987, pp. 13-22.
"Os contos de Ánxel Fole", Grial 95, 1987, pp. 113-14.
"O pensamento de Rosalía de Castro", Cadernos do Instituto de Estudos Valdeorreses 6, 1988, pp. 149-58.
"25 anos de Grial", Grial 100, 1988, pp. 135-37.
"Heidegger na cultura galega", Grial 103, 1989, pp. 384-89.

Discursos

A lingoaxe i as língoas. Vigo, Galaxia, 1967 [edición facsimilar, Consello da Cultura Galega, 1994]
"Resposta ao discurso de Andrés Torres Queiruga", en Torres Queiruga, A.: Nova aproximación a unha filosofía da saudade. Discurso lido na recepción pública de 20 de xuño do 1980 por Andrés Torres Queiruga. A Coruña: Real Academia Galega, 1981.
Discurso lido na sesión de aprobación. Lei de normalización lingüística. Santiago de Compostela, Publicacións do Parlamento de Galicia, 1983.
"Limiar" (resposta ao discurso de ingreso na Real Academia Galega de Marino Dónega), en Dónega, M: A memoria e os amigos. Trasalba, Fundación Otero Pedrayo, 1994.

Traducións (en colaboración con Celestino Fernández de la Vega)

Pokorny, J.: Cancioneiro da poesía céltiga. Santiago de Compostela, Editorial Bibliófilos Gallegos, 1952.
Heidegger, M.: Da esencia da verdade. Vigo, Galaxia, 1956.

Correspondencia

Fernández del Riego, F.: Un epistolario de Ramón Piñeiro. Vigo, Galaxia, 2000.
Alonso Girgado, L. e T. Monteagudo Cabaleiro.: Cadernos Ramón Piñeiro II. Ramón Piñeiro: cronobiografía e cartas. Santiago de Compostela, Xunta de Galicia, 2003.
Alonso Girgado e outros: Cadernos Ramón Piñeiro V. Cartas de Ramón Piñeiro a Ricardo Carballo Calero. Santiago de Compostela, Xunta de Galicia, 2004.
Allué Andrade, X. L.: Cartas a un mozo galego. Vigo, Galaxia, 2005.

Entrevistas:

Fdez del Riego: Galicia Emigrante, 11, 1955, pp. 16-17.
X. Díaz Sixto: Grial 36, 1972, pp. 197-201.
V. Freixanes: Unha ducia de galegos. Vigo, Galaxia, 1982, pp. 103-124.
C. Casares: Seiva 2, 1989, pp. 135-146.
L. Álvarez Pousa: Tempos Novos 43, 2000, pp. 64-71.

Sobre Ramón Piñeiro e o seu tempo

Alonso Girgado, L. e T. Monteagudo Cabaleiro.: Cadernos Ramón Piñeiro II. Ramón Piñeiro: cronobiografía e cartas. Santiago de Compostela, Xunta de Galicia, 2003.
Alonso Montero, X.: A batalla de Montevideo. Os agravios lingüísticos denunciados na Unesco en 1954. Vigo, Xerais, 2003 (inclúe edición facsimilar da Denuncia diante a Unesco da perseguizón do idioma galego pol-o Estado Hespañol. Bos Aires, 1954 ).
Casares, C.: Ramón Piñeiro. Unha vida por Galicia. Vigo, Galaxia, 2005.
Dasilva, X. M.: "Ramón Piñeiro e a prohibición de traducir ao galego", en Grial, 179, 2008.
Fernández del Riego, F.: A xeración Galaxia. Vigo, Galaxia, 1996.
Ferreiro, Ch. e I. Pena (coords.): Encontro Ramón Piñeiro. Santiago de Compostela, Xunta de Galicia, 2006.
Forcadela, M.: Cadernos Ramón Piñeiro VIII. Diálogos na néboa, Álvaro Cunqueiro e Ramón Piñeiro na xénese da literatura galega de posguerra. Santiago de Compostela, Xunta de Galicia, 2005.
Franco Grande, X. L.: Os anos escuros. Vigo, Galaxia, 2004.
García Turnes, B.: Vida e obra de Ramón Piñeiro. Escolma de textos. Galaxia, 2009.
Monteagudo, H.: "Limiar", en Ramón Piñeiro: A linguaxe e as linguas. Vigo, Galaxia, 2007.
Monteagudo, H.: "Ramón Piñeiro, a Editorial Galaxia e a Real Academia Galega (1950-1962). Estratexias de resistencia idiomática fronte ao franquismo", en Grial 177, 2008.
Mourelle de Lema, M. (ed.), Ramón Piñeiro y su circunstancia. Madrid. Grugalma, 1993.
Santamarina Fernández, A.: A linguaxe e as linguas. Ramón Piñeiro revisitado ós 30 anos dos eu ingreso na Real Academia Galega. A Coruña, RAG, 1998.
VVAA: "Ramón Piñeiro (1915-1990)", Grial, 111, 1991.
VVAA: Homenaxe a Ramón Piñeiro. Fundación Caixa Galicia, A Coruña, 1991.
VVAA: Lembranza de Ramón Piñeiro. Catro discursos. Santiago, Xunta de Galicia, 1994.

Xuntanza a prol do Galego

2009-05-14T10:27:00.004+02:00

Onte 13 de Maio, ás 5 da tarde na Casa das Ciencias , que se atopa no Parque de Santa Margarida, xuntáronse un grupo de pais e nais acompañados das suas crianzas para dar lectura a un manifesto a favor do galego no ensino.
Achegámosvos unhas fotos do acto e o manifesto lido polos pais e nais asistentes.

Manifesto:

Somos nais e pais. Por iso queremos o mellor para as nosas fillas e fillos. Queremos que sexan felices e queremos que medren en liberdade e para iso é esencial un ensino de calidade que os forme como persoas e como cidadáns. A liberdade que dá o coñecemento desaparece cando se ignora unha parte esencial da cultura na que as nenas e nenos viven. Para escoller entre dous sons, hai que escoitar ambos. Non queremos unha escola xorda e muda ao galego.

Somos persoas responsábeis e estamos formando a sociedade do futuro. Por iso queremos que as nosas fillas e fillos, falen a lingua que falen, poidan entender e dirixirse na súa lingua á xente que fala en galego cando dentro duns anos traballen nun hospital ou nun centro educativo, cando sexan xuíces ou cando atendan nun comercio.

Somos cidadás e cidadáns. Por iso nos preocupa a violencia coa que certos grupos de poder falan da nosa cultura e da nosa lingua. A sociedade galega é pacífica, é aberta, é extensa máis alá das súas fronteiras. Non nos pechemos en dous tons, a vida é de cores. Non queremos ser nós e eles, queremos formar parte dunha sociedade unida á que dea unha nova tonalidade cada persoa nova que chegue.

Somos galegas e galegos. Algúns nacemos aquí, outros na outra beira do mar. Moitos falamos cos nosos fillos e fillas en galego. E outros en castelán. E en francés ou en inglés. Mais todas estamos orgullosas e orgullosos da lingua de Galiza e a todos nos gusta encher a boca de galego, saborealo. E queremos que os nosos nenos o poidan facer cando xogan, cando ven unha película ou cando escoitan música no seu mp3, para que tamén se poidan sentir orgullosos do galego. Non queremos que os nosos nenos abandonen a lingua que día a día lles entregamos.

Somos nais e pais. Temos que defender o galego como defendemos o mar, como defendemos os montes, como defendemos o ar que respiramos. É parte do noso patrimonio e parte do patrimonio que lles legaremos aos nosos fillos. Polos nosos fillos e fillas, manifestarémonos en Santiago de Compostela o vindeiro 17 de maio.

17 de Maio Día das letras Galegas

2009-05-13T18:20:00.003+02:00

Como todos ben sabedes o día 17 de Maio é o Día das Letras Galegas, pois desde esta asociación pareceunos oportuno contar a historia de como nace ese día, e que personaxes axudan a dignificar a nosa lingua.

A historia do Día das Letras Galegas comeza formalmente en marzo de 1963, cando tres membros numerarios da Real Academia Galega, Francisco Fernández del Riego, Manuel Gómez Román e Xesús Ferro Couselo, envían unha carta ao presidente da institución, Sebastián Martínez Risco, coa seguinte proposta:

Con motivo de se celebrar no presente ano o Centenario da pubricación de "Cantares gallegos" de Rosalía de Castro, os membros numerarios que subscriben someten á consideración da Xunta xeneral da "Real Academia Gallega", a seguinte proposta:

1º.- Todos sabemos que o libro rosalián editado en 1863, ten sido a primeira obra maestra con que contóu a Literatura Galega Contemporánea. A súa aparición veu a lle dar prestixio universal á nosa fala como instrumento de creación literaria. Representa, pois, un fito decisivo na historia da renacencia cultural de Galicia.

2º.- A celebración do centenario diste acontecimento, convida a reconsiderar o siñificado do mensaxe transmitido nos "Cantares". Un mensaxe que, tanto como esprito e pobo, tanto como universalismo e galeguidade, foi, estéticamente, un mensaxe de palabra e poesía.

3º.- Velahí por qué, ademáis dos aitos conmemorativos que se orgaícen pra reaitualizar na conciencia das xentes o acento de tal mensaxe, a Academia -como órgano oficial da nosa cultura- debería consagrar, con caracter de perdurabilidade, o simbolismo da data nunha celebración anual.

4º.- O millor xeito de o conseguir sería que acordase decrarar Día das Letras Galegas, o 17 de maio de cada ano, a partir do presente. Contaríase así, pra o porvir, cunha xornada oficialmente adicada a honrar ós nosos libros. O día 17 de maio de cada ano viría ser a data destinada a recoller o latexo material da actividade inteleitual galega.

5º.- Ninguén desconoce que o libro ten unha forza simbólica estraordinaria. Sendo a amosa máis reveladora do nivel cultural dos pobos, non é de estranar o afán de esparexelo e de lle abrir camiños pra ensanchar o ámpido dos seus leitores. No caso de Galicia, ningunha data máis axeitada pra enaltecer e difundir o libro eiquí producido, que a que conmemora a pubricación da obra coa que se encetóu o prestixio contemporáneo das Letras galegas.

6º.- De atopar eco no acordo dos numerarios da Corporación o contido dista proposta, compriría dalo a conocer en Nota oficial, recabando a colaboración dos centros culturás de Galicia e a de todos os Centros Galegos do mundo, pra percurar o ésito consagratorio da celebración.

A lingua galega únenos

2009-05-13T00:18:00.003+02:00

Hoxe poñemos a disposición dos veciños o artigo escrito polo noso compañeiro Manuel Miragaia Doldán, que leva por título " A lingua galega únenos". Se queredes podedes ver os seus artigos todos os mercores no xornal "Galicia hoxe" baixo o epígrafe de "Vento Fresco", ou senon na páxina web dese mesmos xornal http://www.galicia-hoxe.com.

De entre todas as características que nos definen aos galegos como pobo diferenciado habería que salientar a máis esencial de todas, que é a contarmos cunha lingua propia. Se non tivésemos ese grande patrimonio inmaterial da lingua sería máis difícil que chegásemos a alcanzar o status de nación -nacionalidade segundo a Constitución vixente-, que quedaría, seguindo a Ernest Renan, só na vontade da cidadanía. Existiría un estado das autonomías sen galego, catalán e éuscaro? Abofé que non. As catro provincias galegas serían unhas máis dentro do conxunto dun uniforme e centralizado Estado español. Tampouco habería Xunta nin Núñez Feijóo, polo tanto, podería ser o seu presidente.

Os máis conscientes galegófobos non o son porque consideren que a lingua galega sexa menos válida que a castelá para a expresión oral ou escrita ou porque crean que o coñecemento do galego nas institucións escolares aumenta a incultura e o fracaso escolar, senón por puros criterios políticos recentralizadores. Trataríase de borrar o sinal de identidade máis esencial para recuar cara a un estado máis unitario. Os intereses económicos e políticos da Vila e Corte e a implantación dun bipartidismo estatalista que facilite o control social e a gobernabilidade están detrás de todo este proceso. Ese grupiño chamado Galicia Bilingüe constitúe a punta de lanza no noso País dunha estratexia cociñada fóra. Por medio dela téntase tensionar a sociedade galega con falacias e medias verdades, dividila e mesmo rematar con décadas de paz lingüística.

Non hai nada mellor que a lingua dun pobo para establecer pontes entre os seus habitantes. A lingua galega, independentemente da clase social ou da ideoloxía de quen actúe como emisor ou receptor, posibilita a comunicación entre os galegos e permite que se vehiculice de maneira máis nidia e natural o noso espírito. Únenos aos galegos e galegas. Fainos ser unha comunidade semántica, de concepcións da vida. Ao nos expresar na nosa lingua afirmamos que nos recoñecemos como galegos e que como tales queremos continuar existindo.

Cos datos preocupantes do declive do medio rural e polas insuficientes políticas da normalización no ambiente urbano e entre a mocidade, que levan a unha perda continua de falantes, neste mes no que se celebra o litúrxico Día das Letras Galegas poucas veces estivo tan xustificado lembrar a necesidade premente de conservarmos o noso idioma e a nosa cultura. A normalización do galego -a lingua que nos une- en todos os ámbitos, especialmente o escolar, non debe sufrir retrocesos por mor de calquera avatar político.

Viaxe no tempo en tranvía

2009-05-08T20:59:00.004+02:00

Un vídeo filmado nas décadas dos 60 e 70, sobre os troles e tranvías da cidade, permite ver como era a cidade herculina fai 40 anos

O documental foi subido a Youtube coa seguinte explicación: "É un documental gravado en España na década dos 60 e 70 por un grupo de ingleses e que estaba patrocianado por " The London Trolleybus Preservation Society" e titúlase "The Q1`s in Spain", Q1 é o modelo do autobús mais concretamente era un "BUT-AEC-Leyland-Q1" fabricado e carrozado por The Britsh Leyland para operar en Londres, e que foron comprados de segunda man en varias cidades de España, entre elas a Compañía de Tranvías de Coruña".
Á marxe dos detalles técnicos dos autobuses e tranvías que aparecen no vídeo, as diferentes vistas da cidade que ofrece non teñen desperdicio. Cantóns, Juan Flórez, San Roque,... ofrecían un aspecto moi distinto ao que teñen actualmente, e permiten soñar cunha pequena viaxe no tempo.

Visitas guiadas ao Observatorio da Coruña

2009-05-07T19:43:00.000+02:00

A Asociación de Veciños da Agra do Orzán organiza unhas visitas guiadas para público en xeral ao Observatorio Meteorolóxico de Galiza, pertencente á Axencia Estatal de Meteoroloxía do Ministerio de Medio Ambiente, situado na Coruña. Celebraranse os días 12, 14 e 21 de maio ás 12 horas da mañá. Estas visitas guiadas constitúen unha extraordinaria oportunidade de coñecer un dos mellores observatorios meteorolóxicos europeos da actualidade. Cada un deses días de visita poderán asistir un máximo de 20 persoas. Cabe a posibilidade tamén de facer reservas para centros escolares. As persoas interesadas en realizar a visita guiada poderán chamar desde desde as 18 ás 19 horas en días laborabéis ao teléfono 981- 261044.

Asociación de Veciños da Agra do Orzán quere dar a coñecer e mesmo popularizar a todo o vecindario do barrio da Agra e tamén aos coruñeses e coruñesas en xeral as moi interesantes instalacións que mantén a Axencia Estatal de Metereoloxía na cidade da Coruña, e que cumprirán o ano que vén o seu 80 aniversario.

Por desgraza as instalacións deste edificio e o interior do seu recinto son descoñecidos para a maioría da cidadanía. O Concello da Coruña, a diferenza doutras instalacións museísticas e científicas da localidade, nunca o promocionou como parte dos percorridos escolares e das rotas turísticas da Coruña.

A Asociación de Veciños da Agra do Orzán enorgullécese de seguir contando no seu barrio desde o 1 de abril de 1930 co Observatorio, considerado un dos máis punteiros de Europa na súa especialidade. A día de hoxe o seu edificio constitúe o máis antigo e emblemático de toda A Agra do Orzán. O edificio do Observatorio e o seu cotorno axardinado merecen a súa conservación e a valoración da súa importancia científica e social.

Foto veciñal

2009-04-28T13:50:00.002+02:00

O noso veciño e compañeiro Manuel Miragaia pasounos esta imaxe dun cadro do século XIX, no que aparece a nosa zona da Agra do Orzán vista desde Santa Margarida. No fondo obsérvanse os muíños de vento que dominaban o espazo da actual Agra. O cadro, que se encontra no Palacio de Versalles, data de 1928, e foi realizado polo pintor francés Hippolyte Lecomte (1781-1857), que foi un pintor francés coñecido polas súas grandes pinturas históricas e debuxos de ballet.
O cadro que vemos aquí reproducido titúlase “Episode de la guerra d’Espagne en 1823, prise des retranchements de Sainte-Marguerite devant La Corogne, le 5 juillet 1823 (le général Bourke donnant ses ordres au général La Roche-Jaquelein qui s’opposent au général Quiroga )». A tradución sería: “Episodio da guerra de España en 1823, toma das trincheiras de Santa Margarida diante da Coruña, o 5 de xullo de 1823 (o xeneral Bourke dálle as súas ordes ao xeneral La Roche-Jaquelein, que se enfronta ao xeneral Quiroga)”.
Trátase da representación dun episodio da guerra desenvolvida no ano 1823, cando o rei Fernando VII lle pediu axuda a Francia para reinstaurar o absolutismo, provocando un retroceso nos avances políticos conseguidos desde a Constitución de Cádiz de 1812.”

Nova enquisa

2009-04-23T23:00:00.001+02:00

Hoxe creamos unha nova enquisa para que deades a vosa opinión sobre o estado das obras de remodelación da rúa Barcelona. Tédela á vosa disposición na barra da dereita. Un Saúdo cordial e esperamos a vosa opinión.

Foto denuncia veciñal

2009-04-04T18:53:00.004+02:00

Unha veciña envíanos estas fotografias para mostrar o estado en que se atopa a rúa Barcelona. Di que xa queda pouco de como era, e ela lanza unha pregunta, e é a de saber onde están ou onde foron a parar as árbores que poboaban e dábannos sombra aos veciños cando paseabamos pola zona.

A nosa veciña atópase indignada ao ver a falta de información por parte do concello, e máis aínda do prazo real de execución das obras.

Eleccións á Xunta Directiva da Asociación.

2009-03-30T16:33:00.010+02:00

Francisco Graña reelixido Presidente da Asociación Veciñal.

O pasado xoves día 26 celebráronse as eleccións á Xunta Directiva. Como marcan os nosos Estatutos, cada dous anos hai que elixir nova Xunta Directiva, e como xa ven sendo tradicional, o ultimo xoves de marzo, foi a data escollida para celebrar o evento.

Mais desta volta, e como non acontecía desde 1979, xa hai vinte anos, presentáronse dúas candidaturas.

Nunha asemblea que contou cun proceso de elección no que todas as partes coincidiron en cualificar como “extraordinariamente eficiente e democrático”, e no que chegaron a participaron nalgún momento máis dunha terceira parte das persoas socias, o novo presidente acadou o 68 % do voto dando así continuidade aos proxectos iniciados neste último período, entre outros a defensa das parcelas públicas do Parque do Observatorio e a aposta contraria da Asociación á construción da urbanización deseñada pola Concellaría de Urbanismo, a aplicación da normativa de rehabilitación que regula a reforma e construción de ascensores nas casas onde residan persoas con dificultade de mobilidade e non posúan esta infraestrutura e a elaboración dunha normativa autonómica e estatal máis ríxida para a colocación de antenas de telefonía móbil. Por último apostou pola integración das persoas que avalaban a candidatura perdedora no traballo da Asociación xunto co resto de persoas, colectivos, sensibilidades e outras organizacións que de xeito conxunto realizan o seu labor de cotío empregando a Asociación como “a casa común de todas e todos os veciños da Agra do Orzán”, segundo palabras textuais do propio presidente no discurso de investidura.

A nova Xunta Directiva, a parte do propio Francisco Graña como Presidente, queda constituída do seguinte xeito:

O Presidente Francisco Graña no local social da Asociación.

Francisco Graña Iglesias, Presidente
Carlos Suárez Martínez, Vicepresidente
María Luz Martínez Pedreira, Secretaria
Xosé Manuel Liñares Suárez, Tesoureiro
Miguel García Fernández, Vicesecretario
María Pilar Mosquera Pampin, 1ª vocal
Jesús Ricardo Buján Vilela, 2º vocal
José Manuel Cambón Arias, 3º vocal
María Xosé Freixo Mariño, 4ª vocal
Samuel Rodríguez López, 5º vocal
Xosé Manuel Sánchez Rei, 6º vocal
Mercedes Raposo Buján, 7ª vocal
María Luisa Fernández Rodríguez, 8ª vocal
Luis Barreiro Amil, 9º vocal
María José Graña Beceiro, 10ª vocal
María Junquera Castreje Castreje, 11ª vocal
Manuel Miragaia Doldán, 12º vocal
Modesta Alonso Méndez, 13ª vocal
Carmen Tajes Sánchez, 14ª vocal
Carmela Garrido Ordoño, 15ª vocal

Unha das actuacións máis inmediatas que pensa acometer a nova Xunta Directiva (paralelamente ao traballo que xa desenvolve a Asociación) é unha pormenorizara análise da situación do tráfico e o aparcamento en dupla fila, circunstancia que xa recollen hoxe os medios de comunicación (enlázate: http://www.elidealgallego.com) sendo a persoa encargada desta temática o compañeiro Miguel García Fernández.

Se tes algunha suxestión neste tema, ou en calquera dos que traballa a Asociación, ou simplemente queres participar, contacta con nós deixando unha mensaxe no noso blogue ou pásate polo local social.
PARTICIPA!

Papeleta coa candidatura de Francisco Graña, nova Xunta Directiva da Asociación.

Fotografía histórica

2009-03-23T22:48:00.003+01:00

A praia do Orzán era nos anos 20 unha das máis populares e concorridas. As súas batidas augas facíana perigosa para o baño, pero as suas escarpadas rochas convertíana nunha sensacional solana.

Queremos volver recordar a toda a xente que pode participar activamente mandando fotografías, ou os artigos que queiran sobre o barrio.

Convocatoria de Asemblea Xeral

2009-03-14T15:41:00.003+01:00

A Xunta Directiva reunida o pasado xoves día 12 convocou a Asemblea Xeral ordinaria da Asociación Veciñal da Agra do Orzán "Agra".

Prevista para o vindeiro xoves día 26, ás 8 da tarde, a Xunta Directiva, e en cumprimento dos Estatutos da Asociación que fixan as asembleas unha vez ao ano, tomou o acordo de convocala para finais deste mes.

Asemade, desta volta, e tamén como aparece reflectido nos Estatutos, toca renovar a Xunta Directiva polo que o proceso de presentación de candidaturas tamén foi aprobado. Así, as candidaturas que se queran presentar terán de prazo ate as 19h00 do martes 24 e deberán estar conformadas por canto menos nove persoas dispostas do seguinte xeito: presidenta/e, vicepresidenta/e, secretaria/o, tesoureira/o, vicesecretaria/o e catro vocais.

Para poder participar do proceso, isto é, ser persoa electora e poder ser e persoa elexíbel deberase ser socia ou socio da Asociación Veciñal cunha antiguidade canto menos anterior ao 31 de decembro de 2008 e estar ao corrente de pago das cotas correspondentes.

Este proceso electoral baséase nos artigos 11, 25, 26 e 28 dos Estatutos da Asociación e, para todo aquelo non contemplado no mesmos, na Lei Orgánica 1/2002, de 22 de marzo, reguladora do Dereito de Asociación, a Lei 30/1992, de 26 de novembro, de Réxime Xurídico das Administracións Públicas e do Procedemiento Administrativo Común e calquera lei ou norma de caracter superior.

Para calquera súbida ou consulta podes enlazarte cos noso Estatutos, introducidos nas entradas do blogue. Tamén podes pasarte pola Asociación todos os días de 18h00 a 19h00.

Fotografía histórica

2009-03-13T00:03:00.002+01:00

A fotografía desta semana é de 1927. Desde a perspectiva da dársena obsérvase como a cidade empeza a desenvolverse con edificios modernistas, entre os que resalta o do Banco Pastor.

ANDANDO A TERRA

2009-03-11T23:49:00.004+01:00

Fai uns días tivemos unha pequena entrevista co noso compañeiro Samuel Rodríguez López. O creador do grupo senderista "Andando A Terra" . Samuel por medio deste grupo dá a coñecer a moita xente Galiza, e desde un punto de vista totalmente diferente, xa que realizan diferentes percorridos por todo o país.

A.V. Cando nace a idea?

S.R. Pois a idea nace aproximadamente fai uns catro ou cinco anos, coa premiasa de coñecer o noso país camiñando. E gozando do monte.

A.V. Como son os percorridos que adoitades realizar?

S.R. Son variados, depende da ruta, pero andan sobre uns 15 km. Aínda que poden variar, hai rutas máis curtas e outras máis longas. Pero sempre tratamos de que sexan alcanzables para todas as persoas que veñen.

A.V.Que xente adoita ir aos percorridos?

S.R. De todas as idades, desde xente nova, ata xente da terceira idade, pero a maioría atópase entre os trinta e os sesenta anos. Case toda a xente que vén é asidua, e teñen unha regularidade de asistencia.

A.V. O volume de asistencia é elevado?

S.R. A verdade é que se, temos unha media regular de contorna ás 50 persoas, e como xa dixen é xente que vén regularmente.

Pois xa sabedes, logo de saber isto aquí colgamos o roteiro 2009

Verdes-Esteiro do Anllóns-Cabana de Bergantiños ... 8 de marzo

Polo Couto mixto (Calvos de Randín, Baltar...) ...29 de marzo

Vega de Valcarce (Ancares Leoneses )... Abril

Polo Río Pequeno (O Courel)...Maio

Camiñando en Babia ...Xuño (Fin de Semana)

Menos as que están en roxo as rutas son o último domingo de cada mes.

CACEROLADA

2009-03-08T01:12:00.006+01:00

Na mañá do sábado fixemos a cacerolada que estaba prevista para as 13 horas. O día non nos acompaño pero os veciños como sempre non fallaron e estiveron apoiando cos seus chifres, cacerolas, e tambores. Pois ben aquí tedes algunhas das fotos desta reunión veciñal en contra da corrupción urbanística na zona do observatorio.

CACEROLADA

2009-03-06T15:58:00.004+01:00

O luns día 9 o concello vai aprobar no pleno a configuración definitiva da URBANIZACIÓN DO OBSERVATORIO.

QUEREMOS UN PARQUE

NON QUEREMOS MAÍS EDIFICIOS.

PAQUE SI ,VIVENDAS NON

NON O PERMITAMOS

CACEROLADA

ÁS 13:00 DESTE SÁBADO DIANTE DA PORTA DO

OBSERVATORIO (RÚA CANCELÍÑA)

CONVOCA: PLATAFORMA POLA DEFENSA DO PARQUE DA AGRA

Fotografía histórica

2009-03-05T00:37:00.002+01:00

Logo da resaca das eleccións, toca baixar ao terreal e recrearnos novamente na rutina.

Esta semana puxemos unha fotografía do ano 1900 que mostra en primeiro plano as ruínas do emblemático castelo de San Amaro, que xunto ao de San Antón e San diego, defendían a cidade de hipotéticos ataques.

O Concello a piques de aprobar a "nosa" Normativa.

2009-03-03T12:15:00.006+01:00

Unha normativa de rehabilitación que regule a instalación de ascensores para o seu uso polas persoas con dificultade de mobilidade a piques de ser aprobada na nosa cidade. Un éxito da Asociación Veciñal da Agra do Orzán.

A Xunta de Goberno Municipal aprobou o pasado venres, día 27 de febreiro, un primeiro documento regulador, que terá que ser referendado de forma definitiva no próximo pleno municipal do luns día 9. A nova lei, de seren aprobada, entraría en vigor o vindeiro 19 de abril, e segundo as palabras do propio concelleiro delegado de Rehabilitación Urbana e Vivenda, Mario López Rico, "(...)o que será inmediato será o trámite administrativo, que era o problema fundamental, porque moitas comunidades interesadas en colocar os elevadores dispoñen dos cartos ou teñen posibilidade de conseguilos mediante unha derrama extraordinaria, pero non poden facer fronte a un expediente de expropiación que se pode demorar pola vía dos contenciosos(...)".

Todas e todos os que estedes interesados por esta normativa lembrade que os plenos son públicos, polo que se queredes asistir tedes que presentarvos no propio Concello o luns antes do comezo co documento de identidade.

PARTICIPA! Asiste ao Pleno.

Para máis información enlázate: http://www.lavozdegalicia.es/coruna/2009/03/01/0003_7562050.htm?idioma=galego

Blogs Do Barrio

2009-03-02T23:14:00.001+01:00

Hoxe queremos darlle o noso apoio a outro veciño do barrio. Luís Rodríguez que crea unha bitácora diferente cuns puntos de vista moi particulares. O blog que se fai chamar El Bazar De Jim, o cal o auto define como “ el blog más leído en Cáceres según el último Euskobarómetro” .

Desde aquí dámoslle a benvida á globofera e esperamos que teña unha boa andanza polo ciber espazo.

Visítao en :

http://elbazardejim.blogspot.com/

Fotografía histórica

2009-02-24T22:21:00.003+01:00

Esta fotografía debémoslla ao noso amigo e veciño Carlos Platas , residente na rúa Meira, que nola enviou fai uns días á asociación de veciños . Desde este blog, e de parte de todos os que o facemos posible agradecerche Carlos a túa colaboración e o teu apoio.

Este era o aspecto que presentaba o barrio do Agra do Orzán e do Ventorrillo antes de que comezase a levantarse multitude de edificios. Na imaxe aprécianse as cimentacións que se estaban realizando, e que , en pouco tempo desaparecerían baixo infinidade de ladrillos.

Estatutos da Asociación

2009-02-23T22:21:00.008+01:00

Pinchando nas seguintes imaxes poderase ter acceso aos nosos Estatutos así como descargalos.

A Lei Orgánica 1/2002, do 22 de marzo, Reguladora do Dereito de Asociación, fixo que a nosa Asociación Veciñal tivera que adaptar os seus Estatutos.

A anterior lei franquista, lei 191/1964, de 24 de decembro, de Asociacións, non foi derogada ate hai relativamente pouco tempo. A nosa Asociación, fundada en 1976, tívose que adaptar no 2004 a nova normativa estatal. Isto supuso que durante máis de seis meses tiveramos que facer unha nova normativa para o noso funcionamento.

Co obxeto que este fose o máis democrático e participativo posíbel sempre quixemos que toda/o a/o quen quixer puidera ter acceso ao noso regulamento. Os nosos Estatutos, expostos no taboleiro da Asociación, de hoxe en diante, tamén van estar colgados no noso "outro" taboleiro, no noso blogue...

Picha nas seguintes imaxes e poderás acceder a el.

Para máis información, enlázate: http://www.boe.es/boe/dias/2002/03/26/pdfs/A11981-11991.pdf

Eleccións ao Parlamento de Galiza 2009

2009-02-23T13:18:00.005+01:00

Sigue en directo as eleccións ao Parlamento de Galiza do vindeiro domingo 1 de marzo. Enlázate a través do blogue da Agra do Orzán. Pincha no seguinte enlace:

http://www.eleccions09.xunta.es/inicio.html

Accederás en tempo real á información que desde a propia Xunta de Galiza se facilitará aos medios de comunicación.

Tamén podes enlazarte coa TVG que a partir das 21h15 do mesmo domingo fará un programa especial de análise da xornada electoral e dos seus resultados...

http://www.crtvg.es/reproductor/inicio.asp?canal=tele&arquivo=0

Xornadas de pobos indíxenas

2009-02-21T10:07:00.004+01:00

ACSUR Galiza, en colaboración coa Oficina de Cooperación e Voluntariado da Universidade da Coruña, organiza unhas xornadas de achega aos movementos sociais e loitas políticas dos pobos indíxenas latinoamericanos, nas que participarán membros da organización, as e os participantes desas loitas, así como expertos na materia.
As xornadas teñen tres obradoiros:
- Xénero e Cosmovisión Maya
- Cómo entendemos, interiorizamos e vivimos o racismo
- Coñezamos a histórica loita pola terra en Guatemala
As persoas interesadas en inscribirse particularmente nos obradoiros ou de forma xenérica nas xornadas poderán facelo poñéndose en contacto coa organización no seu correo electrónico, galiza@acsur.org, ou no telefono 981912667 antes do 6 de Marzo.
O resto das actividades non precisan de inscrición previa. O acceso e libre e de balde.
Ademais, solicitouse un crédito de libre configuración para aquelas persoas que asistan a todas as actividades na cidade na Coruña.

Mais información, no tríptico que se adxunta.

Enlázate: http://www.acsur.org/-ACSUR-Galiza-

Boletín Informativo da Asociación Veciñal.

2009-02-21T09:25:00.011+01:00

Acaba de saír do prelo un novo Boletín Informativo da Asociación Veciñal da Agra.

Como continuación ao labor informativo e comunicativo da Asociación, pensamos que a edición en papel do noso Boletín Informativo debe seguir sendo continua e independente ao blog. Así, e na medida das posibilidades da Asociación, tentaremos seguir facendo a nosa publicación impresa cada trimestre, co obxecto de achegarmonos a todos os currunchos do barrio.

Desta volta a portada é protagonizada pola Correspondente de Información Xuvenil, Iria Buxán, que nos fala do PIX da Agra, e da estructura posta en funcionamento polo Centro Municipal de Información Xuvenil dependente da Concellaría de Mocidade do Concello da Coruña.

Asemade, outras novas que aparecen son a propia presentación do noso blog, a principios de mes, a situación actual da campaña dos ascensores, e dúas referencias concretas, unha relativa á polémica coa reforma dos percorridos das liñas de buses, e unha segunda, facendo mención ao comezo do curso de galego nivel CELGA 3, que se ten previsto desenvolver no noso local social a partir do próximo mes de Marzo.

Durante vindeiras datas imos repartilo polo barrio, mais se non se coincide con algún destes repartos e se quere un exemplar pódese pasar pola Asociación a recollelo ou ben imprimir unha copia.

Tamén parécenos oportuno deixar colgado o boletín anterior, de novembro, monográfico da Campaña de Ascensores, comezando así un arquivo na rede. Unha copia deste exemplar tamén se pode conseguir no local social: rúa Entrpenas 38, de luns a venres de 18h00 a 19h00.

Fotografía histórica

2009-02-18T22:57:00.002+01:00

Nesta fotografía de 1902, observamos o espléndido areal de Riazor, situado a principios deste século no que se consideraban as aforas da cidade, e que ofrecía un lugar idóneo o esparexemento e o baño.