A A.V. Agra do Orzán desminte as publicacións aparecidas hoxe na prensa local.

Reprodución íntegra da nota de prensa remitida hoxe pola A.V. da Agra ao medios de comunicación.

A ASOCIACIÓN VECIÑAL DA AGRA DO ORZÁN DESMINTE AS PUBLICACIÓNS APARECIDAS HOXE EN DISTINTOS XORNAIS SOBRE O SEU APOIO A EX-CONCELLEIRA DE URBANISMO MAR BARCÓN.
A Asociación está sorpredida xa que ningún membro da súa Xunta Directiva nen ningún asociada/o amosou o seu parecer contrario a participar das mobilizacións da Plataforma pola Defensa da Agra do Orzán.
De feito, este pasado xoves, día 5 celebrouse Xunta Directiva e ningun membro da mesma citou, criticou ou censurou o acto celebrado polas veciñas e veciños o pasado mércores, onde un grupo númeroso brindou con sidra galega a marcha da ex-concelleira de urbanismo Mar Barcón.
Así, esta Asociación, leva defendendo as reivindicacións veciñais a respecto do Parque da Agra desde 1998, data da aprobación do Plano Xeral de Ordenación Urbana, e ten presentado alegacións ao proxecto de reforma de 2006, colaborando coa veciñanza da zona asesorándoa e representándoa nas distintas reunións mantidas con responsábeis municipais.
Asemade, esta Asociación foi quen de remitir toda a documentación achegada en torno a esta reforma urbanística á Fiscalía do Estado, remitindo esta ao Fiscal Anticorrupción de Galiza devandita documentación para o seu estudo, co obxecto de analizar a posibilidade de houber algunha irregularidade en todo este proceso.
Por último, desde esta Asociación, insistir que nunca ningún asociado ou asociada amosou á súa Xunta Directiva o seu posicionamento contrario a que a Asociación participara das mobilizacións e convocatorias da Plataforma pola Defensa do Parque da Agra, sendo, asemade, algúns membros da asociación membros, a súa vez, da propia Pataforma.
Desde esta asociación queremos saber quen é ou quen son esas persoas que fan comunicados en nome desta asociación xa que poderían estar incorremdo nunha suposta suplantación da identidade da Asociación Veciñal da Agra e, por conseguinte, estar cometendo un suposto delicto de suplantación de identidade recolido no noso ordenamento xurídico.

Sen outro particular, e agardando sexa publicado este comunicado, receba un saúdo.

A continuación ofrécense os enlaces onde podes ver as información aparecidas hoxe:

http://www.lavozdegalicia.es/coruna/2009/02/07/0003_7513137.htm de "La Voz de Galicia".

http://www.elidealgallego.com/ de "El Ideal Gallego", na edición da Coruña (non existe enlace directo).

Independencia da Agra do Orzán. O Parque do Observatorio.

A construcción dunha urbanización no actual espazo que ocupa o Observatorio Meteorolóxico e o chamado campo da Burra foi a pinga que colmou o vaso. Con moita ironía e, no medio dun carácter festivo, o 26 de xuño de 2008, os veciños do Agra do Orzán celebraron o seu particular “Día da Independencia”, erixíndose como entidade municipal autónoma.
Mais ao final non foi tal. O rexedor agrense sorprendeu botando o freo de man no tramo final do seu discurso, avisando que a separación do concello coruñés esperaría: “(...) non imos proclamar este novo Concello no día de hoxe. Imos esperar un pouco máis. Esta bandeira gardarase definitiva ou temporalmente.”, en referencia á bandeira creada para tal insigne ocasión. O certo é que abriuse un prazo de reflexión cunha soa esixencia: o diálogo co Concello da Coruña.
Con este peculiar acto a Plataforma pola Defesa do Parque da Agra pretendía dar un toque de atención ao Concello sobre o desexo de moitos dos residentes da zona: a creación dun gran parque nos terreos do Observatorio. O actor Xosé Carlos Mejuto fixo as veces de alcalde. Xunto á súa comitiva, chegou á zona do Observatorio vitoreado por un centenar veciños para pronunciar o seu discurso. Cualificou o acto que presidía de “enorme e transcendental”, xa que supuña “(...) a aparición dunha nova entidade municipal non noso país”. Na súa intervención, o rexedor indicou que un barrio como o seu, con 70.000 veciños e 20.000 coches, carece dos servizos esenciais básicos: “(...) non hai parque, mellor dito, temos ou mini-yonki-xardín dás Conchiñas, non hai escola infantil municipal, nin biblioteca nin centro de día, nin centro cívico (...)». Foi neste intre cando foi interrompido por un suposto espontáneo para manifestar a inxustiza desa xeneralización nas Conchiñas: “non se pode xeneralizar, -dicía con ton coruño-, que algúns tomamos só auga”. Os encargados de seguridade obrigárono a desaloxar. O alcalde, seguindo coa súa intervención, apelou ao número de habitantes do barrio: “(...) seriamos ou oitavo concello de Galiza e teríamos que recibir as axudas correspondentes á nosa importancia”.
Ao finalizar a intervención, deixando en suspenso a emancipación da Agra do Orzán, o mandatario invitou aos veciños a percorrer as rúas do barrio coa consigna xa coñecida de “PARQUES SI, VIVENDAS NON”.
Este acto da independencia da Agra comezara a media tarde con actividades diversas coma por exemplo un partido de futbolín humano que en realidade se converteu nun partido de fútbol entre unha selección de nenos do barrio. Asemade, en todos os actos deste “histórico día” a música de percusión e gaita, como non podía ser doutro xeito, non faltou a súa cita.